|
رد: من اللي الهتك يا كبير ؟
اقتباس:
المشاركة الأصلية كتبت بواسطة إبن لام الدويسي 
الله يزيد فضلك معلومه وافيه ابن العم عقول وهمم عجيبه لا تكل ولا تمل في طلب المعالي
والشيء المحزن انه مات مقتول على يد بعض ابناء عمه .
وله بيت من الشعر يذكر ويستشهد به على قوه سطوة بني لام في تلك الفتره .
فهل ورد في نفس القصيده التي أوردتها ام قصيده اخرى فهل لنا به
من اخينا كبير ليكتمل العقد .
===================
ولد العم الدويسي تفضل القصيدة
قصيدة رميزان بن غشام التميمي
خيـر الليالـي لـذةٍ فـي سعودهـا
وصف المعالي كـل شـي يكودهـا
خير الملا مـن فيـه عـز ورفعـة
يجود إلـى قـل اليـدا مـن جودهـا
ولا شٍ سوى التقوى إلى صار تقيـة
دون العـدا لا قـل منهـا وفودهـا
ولا شي سوى التقوى إلى صار نعمة
الأجواد تستر عرضها من جهودهـا
قلته ولي عيـنٍ عـن النـوم ربمـا
يحصل لها عن نومهـا مـا يذودهـا
يا جبـر يـا راعـي أمـورٍ جليلـة
بها تتقـي شجعانهـا فـي حيودهـا
العام توعدني على الـراس يـا فتـى
راحـت قلـوبٍ راجفـات الهودهـا
لفاني ضحى يا ابـن سيـار رسلـك
من الشعر مدحـاتٍ تفجِّـع نشودهـا
بعض المعاني يابـن سيـار تركهـا
أخير لي مـن شقـوةٍ فـي حدودهـا
يا جبر تشكي الملح وأشكـي رفاقـةٍ
ظني عدمها خيرٍ لي مـن وجودهـا
بذرت الحساني بالحصانـي وغرنـي
مصافى الحصاني عن مصافى أسودها
كم بذرت كفّـي بهـم مـن صنيعـة
وكم بـذرت جداننـا فـي جدودهـا
وكم اشتكـى منـا المعـادي بفعلنـا
عليهم تعلوينـا وهـم مـن شهودهـا
وكم درعوا بأس الفتى فيـه واتقـوا
نواهل بهـا عقـب تعهـد صدودهـا
وكم دبَّروا عنها وهي قـد تلاحمـت
يبور حاكـي خزنهـا عـن نفودهـا
وكـم زلـةٍ يرفونهـا عنـد غيرنـا
إلى حدثوهم صوب مـن لا يرودهـا
نشـب نـارٍ عـن ذراهـا و مثلهـا
الأجواد ما تجعـل ذراهـا وقودهـا
وكـم مجـرمٍ فينـا تركنـا لزلتـه
نحمله وكـم يـومٍ غممنـا حسودهـا
يفرح بنـا الأقصيـن منـا ويبقـى
للبـذل جزليـن العطايـا وسودهـا
لي ديرةٍ يـا جبـر مابيَّـة الحمـى
عن الضد بأطراف العوالـي نذودهـا
في القيظ مجلاسي على بـرد منشع
وإن جا الشتاء نـارٍ تلظَّـى وقودهـا
ولك عندنا مقـام ولـك عندنـا بهـا
معايض الأشياء من خوالـي قيودهـا
لـي ديــرةٍ بنخيلـهـا مستظـلَّـة
يشـوق تقديـم النضـا كـادودهـا
حكرنـا لهـا وادي سديـر غصيبـة
بسيوفنـا اللّـي مرهفـات حدودهـا
لا صدَّر اللامـي والأجنـاب قلطـوا
على عيلـمٍ بالقيـظ يكثـر ورودهـا
جرى لنا في مفـرق السيـل وقعـة
إللـي حضرهـا مالـك الله يعودهـا
برجالٍ أمضى مـن ليـوث الشرايـع
سعيديـة تشبـه ضراغـم أسودهـا
لا كن عوّيل العّجز بأسفـل شعيبنـا
تقانـب أسبـاعٍ مكمـلات عدودهـا
الأنجاس شبوهـا والأنـذال قبسهـم
والأجـواد والمـال المنمَّـا وقودهـا
لي ديرةٍ يـا جبـر خضـراً مضلـه
يشـوق منهـا غرسهـا واكدودهـا
يا طول مـا قابلتهـا فـوق منشـع
محالهـا بالليـل يسهـر رقـودهـا
لا جا الشتاء تشرب صوافي سيولهـا
وبالقيظ من جـم البطاحـي برودهـا
حمَّلتهـم حـمـلٍ ثقـيـلٍ نقلـتـه
بالضيف مع جيرانهـا عـن نقودهـا
كله لعين اللـي مـن النـاس عنسـا
حمر الشفايـف ناقضـات جعودهـا
جداك فيهـا يـا ابـن سيـار ديـرةٍ
هي شيخةٍ لو تتقـى عـن حسودهـا
أقول لـك فـي وادي حنيفـة مقَّـرد
قـومٍ لهـا بيـن البرايـا ودودهــا
كما أنك في طرق المراجـل مجـرَّب
وحسن الثنا بالحال مـن لا يكودهـا
والـى ولـي يذعـن ذايـه الحمـى
لـو ينقلـب وادي الحنيفـي فهودهـا
يـا حيسفـا شـم العرانيـن خلفـوا
أراذل عميـانٍ تبـي مـن يقـودهـا
موت الفتى موتين مـوت مـن الفنـا
وموتٍ من اخلاف الذراري جدودهـا
ليت الذي حدر الثرى فـوق الثـرى
وليت الذي فوق الثرى فـي لحودهـا
من مات ما أرَّث في ذراريـه مثلـه
فهو مثل نـار جـرَّ عنهـا وقودهـا
فان عشت في الدنيا غنـي فأنـا لهـا
دما الضـد بأيـامٍ تلافـا قصودهـا
إنشاءالله أكون وفقت في النقل ياولد العم الدويسي دمتم بخير .
|