|
رد : القهوة .. وشبة الضو ..فاكهة الشتاء ..
السلام عليكم ورحمة الله وبركاته
يازين فنجال الضحى بالمراحي== إمسكبه راعيه والنذل ما جاه
فنجال اشقر بين ني او نجاحي== يصبغ ابكاس الصين كالدم مجراه
راعيه ما دور ابصاعه رباحي== يبغيه الى جاوالمسايير مقراه
ريحه على جمر الغضى حين فاحي== يبلغ مسيرة يوم يابعد مسراه
لشمه المشتاق في الأرض طـاحي== يسكر بريحه من بعيد الى جاه
لحمس بالرافق له البال صاحي== ناره قليله اوعلى جمر يصلاه
يفوح له بين الحمى واللياحي== ريحه كما العنبر من الهند مجناه
لصفر واحمر كالزمرد وشاحي== بين النياه وبين الأنجاح مكفاه
دقه بنجر يعجبك بالصياحي== صوته عجيب ومرتفع بالملالاه
انعم سحاقه لا تخليه طفاحي== يوذيك منه الحب في داخل ا لفاه
إحشه ابدلة من ادلال الصحاحي== وخله على شاطي الجمر بالمراكاه
لفاح تلقابه اقماش ضباحي== او مشبق في نحر رعبوب يزهاه
وزله ابمربوبة بها الهيل فاحي== والهيل به من باقي الجنس ماكفاه
هذي جزء من قصيده للامير الشاعر عبدالرحمن العوده واسمها القهوه
حاتميه
موضوع جميل وعرض اجمل ومميز
اشكرك عليك حماك الله
ولكم كل احترام وتقدير
|