قصيدة للشاعر مرشد البذالي رحمه الله

شف ماترى ياقلب واكتـم سـدودك
عن واحــدٍ ياخذ ســدودك ويشـناك
خلك على الدنيـا تعيـش بسـعـودك
مالك غرض في عرف هـذا وهـذاك
على الخطـــايـا لاتقـوّي جهـــــودك
العقل زين وسامـح اللـي تحــــدّاك
ترى التســــرّع بالخطـا مايــــرودك
إلا بفعــــلٍ يخلفـك عـن نـوايــــــاك
لا تجعل الشّــــيطـان دايـم يقــودك
ان طعت راي ابليس للشـّيـن ودّاك
خلك من الدنيـا نظيـفٍ جــــــــدودك
محدٍ لســانـه فـي غيــابـك تقفـّــاك
وليا مشــيت الحقّ واجـد شـهــودك
وليا هرجــت الحـقّ كـلّ توحّــــــــاك
لا بد مـن يـومٍ وتقضـي حـــــــدودك
لا تخلفك دنيـاك والموعــد هنــــــاك
خلك ليا قضّيـت تذكـر عهــــــــــودك
لا بد ما ترحــل وتقفـي مطايــــــــاك
خل الذي ينصـى محلـّك يــــــــرودك
اليا شكى غيـرك تذكــّــــر سجــايـاك
خـلّ الفهـــــامـه والعدالـه تســــودك
وليا حكمت الحق لا تظلـم اعــــــداك
بعض المصالح للمعاصـي تقــــــودك
وبعض المصالح يشهدن في خطاياك

إنشاءالله يعجبكم الإختيار واعذروني إذا سبق نشرها

تقبلو تحياتي ....