|
رد : توقعاتكم الله لا يهينكم
أولا أحب أبارك للإتحاديين هذا الفوز
وأقول لأخواني الهلاليين المباراة لم تحسم بعد
ثانيا بالنسبة لأخوي الصقر أحب اوضح له أن الظلم في نقل المباراة
إلى جدة ومن المفروض أن تكون في أرض محايدة أو في الرياض
وبدون جمهور للهلال.. هذا شي
الشي الثاني بالنسبة لطارق سبق وإني وضحت وقلت السبب في هذا كله
هو جمهور الوحدة ومع ذلك ماقلنا شي..
لكن ياصقر كلنا شفنا الحسن كيتا وهو يضرب أحد أفراد الجهاز الفني للهلال
في مباراة الدوري الأخيرة - لاحظ معي انا قلت يضرب - ومع ذلك يوقف مباراة
واحدة فقط ..وين العدل والإنصاف يا أخي
يعني كل هذا وماتبي لعيبة الهلال يتاثرون نفسيا.. التأثر كان واضح في مباراة
الأمس
وبعدين من قالك إن لعيبة الإتحاد يلعبون بأخلاق وبروح رياضية
أرجع للمباراة وأنت تشوف بنفسك مايحتاج أذكر مواقف لكن أبعطيك بعض
الأسماء وأنت لاحظ تصرفاتهم داخل الملعب
" أسامه المولد ، حمد المنتشري ، محمد نور "
وبالنسبة لإعاقة أحمد الفريدي كانت داخل المنطقة يعني ضربة جزاء واضحة
وتصور يالصقر لو احتسبت ضربة جزاء وسجل الهلال هدف التعادل
كان تغيرت المباراة بشكل كلي..وأنت تعرف الهلال وهجومه
الهدف الرابع للإتحاد مشكوك فيه لإحتكاك محمد نور مع الدعيع
وكذلك سجل في آخر الدقيقة الخامسة مع ان الوقت اربع دقايق فقط
كل هذا ياصقر ومافيه ظلم.. لكن مانقول إلا "حسبنا الله وهو نعم الوكيل "
أخوي صلاح أنا أشهد معك وبقوة وأحلف بالله إن ضربة الجزاء صحيحة
لاأحد يعتقد إني جالس أبرر الهزيمة بالعكس لكن في أمور لابد من توضيحها
والساكت عن الحق شيطان أخرس
وأرجع وأقول الهلال كبير..كبير ولا يتأثر بغياب أي لاعب كان
تقبلوا تحياتي،،،
|