|
رد: ليالي رمضانيه ... كل ليله ضيف جديد
س1 ) قدم لنا نفسك بالطريقة التي تراها .. ؟
إنسانه عنيده لأبعد الحدود ومزاجيه نمبر 1 = )
س2 ) ماهو إنطباعك بقدوم شهر الخير والبركات .. ؟
شهر خير ومحبة وغفران ورحمة
شهر تترابط فيه القلوب ووتواصل صلة الأرحام
شهر نتمنى حضوره طوال العام بكل شغف
أعاده الله علينا وعليكم وعلى الأمه الإسلامية باليمن والبركات
س3 ) من هو أول شخص تهنئه بقدوم الشهر الكريم .. ؟
أمي الله يطول بعمرها ثم إخواني ومن بعدها باقي الأهل والأصدقاء
س4 )برنامجك اليومي برمضان .. ؟
ههههه ليش الإحراج والله نومي ملخبط فالنهار صاير ليل يعني نوم
وبالليل نهار يعني سهر بس مايمنع اني أحرص على ختم القرآن الكريم
س5 ) شهر رمضان ماذا يعني لك .. ؟
شهر المحبة شهر الرحمة شهر الغفران شهرالتواصل والترابط والتراحم
س6 )برأيك لماذا الكل يجمع بأن رمضان قديماً كان الأجمل .. ؟
لإن الناس كانت على قلب واحد والجار للجار
زيارات تجمعات والله حتى أذكر صحونا نحط تحتها علامه
على شان لانتلخبط فيها مع صحون الجيران
هههههههههههااااي شي غير وناسه بس الحين للأسف
التلفزيون والمسلسلات خلت العالم تتحنط ببيوتها ماغير تقلب بهالقنوات
س7) أول مرة صمت برمضان كم كان عمرك .. ؟
اممممممممممممم أذكر إني كنت بصف السادس
س8 ) [ تراني صايم وماني رايق ] هل هي من كلماتك في رمضان .. ؟
لا أبداً الحمدلله
س9 ) عاده قبيحه متفشيه في مجتمعنا .. قبل الإفطار بسويعات
ترى السرعه الجنونيه في الشوارع ..كلمة توجهها لهؤلاء .. ؟
الله يهديهم ويصلحهم بس ليش هالسرعه مادري
يعني لا الفطور طاير ولا المسلسل طاير
كله بتلحق عليه بس لا تسرع وترى منت ميت جوع
لو أذن الأذان وإنت برا البيت أقرب محطة بترول يوزعون تمور
أو حط لك بالسيارة تمر وماي ومتى مااذن افطر بس لاتسرع بالموت أسرع
والله يحفظ الجميع يارب
س10 ) أمور تحرص على آدائها بشهر رمضان .. ؟
صلاة التراويح ، قراءة القرآن الكريم ، والمسلسلات للأمانه = )
س11 ) موقف حصل لكـ في شهر رمضان في أحد الأعوام السابقه مستحيــــل تنساهـ ..؟!
أذكر بالسنه اللي بديت أصوم فيها شكلي وقتها ماتسحرت أتوقع
وأمي عطتني أكل أوديه بيت الجيران وجارتنا عطتني الصحون مالتنا وكانت
توصيني شي أقوله لأمي بس ماركزت معها لإني داااايخه مره مادري وش تقول
< كنت حاطه ظهري ع الجدار وإشوي ماحسيت عمري إلا وأنا طايحه هههه
أسمعها تنادي زوجها الحق الحق البنت طاحت ويجي ياحليله يشيلني يحطني على أقرب كنب
ويصحوني ويقولها سوي لها عصير ليمون اقوله لا صايمه < بموت غبنه ماصدقت أصوم
يقول مايفطر < قسم حقدت عليه اقول يحسبني هبله مادري انه يفطر هههههه
الزبده خذيت جغمه او جغمتين ورجعت البيت الا الخبر واصل أمي
خخخخخ طبعاً سووا لي حفل استقبال بالبيت ماقصروا فيني هههههه
بس هالسالفه ماانساها طول عمري لإنها المره الاولى اللي أغمى فيها علي هههههه
س12 ) لو قلنا لك إختار عضو يفطر معاك من راح تختار .. ؟
امممممممممم غيمة مطر الله يذكرها بالخير
س13 ) وش هـــو الطبق إللي ضروري يكون على السفرهـ يومياً .. ؟
السمبوووووسه لازم لازم لازم وبعدها الفيمتو وبعدها الهريس والثريد والخ ...
س14 ) تم منحك تذكرتين سفر في العيد ..
فمن تود أن تصطحب وإلى أين .. ؟
باخذ أعز صديقاتي وبنروح النمسا نوسع صدورنا اشوي = )
س15 ) كلمة أخيرهـ تود قولهااا .. ؟
تقبل الله طاعتكم وصيامكم وقيامكم
وكل عام وإنتم بخير ومن العايدين الفايزين يارب .
|