- السلام عليكم ورحمة الله وبركاته
- انا وعليكم السلام ورحمة الله وبركاته

- أخوي الحر آسف على الإزعاج .. لكن لدي أمر مهم أريد أن أستشيرك فيه

- تفضل اخوي عين فراش وعين الحاف واذا ماشالتك الارض تشيلك الارض الثانيه

-الله يخليك ياخي انت تحرجنــي

-اقول قل ولا يكثر تفكرنــي فاضي لك ..امزح قل وش عندك عسى ماشر

-عندي عيال مستواهم الدراسي سيء جدا ودرجاتهم منخفضه ومدري وش الحل

- بس كذا ؟

- اي بس انااتمنى يكونون افضل من كذا

- بسيطه كم ولد عندك

- عندي 20 ولد

-اقول وش رايك توزعهم على الجيران عشان كل واحد يهتم في واحد او ثنين من عيالك وجايني تقول مستواهم سيء

- انا جايك تساعدني تعطيني الحل مو تزيد همي

- شوف الدراسه للابناء تحتاج اهتمام منك مثلا شوف الاجانب كيف كل ولد في غرفه ومهيء له الجو جو دراسي جو استرخاء جو افقي ودرجة اولى والي مايشتري يتفرج بس انت وعيالك جو سياحي كل ثنين في غرفه واذاطفش الثالث جاهم ويمكن تصير مصارعه حره والاخيرفيهم حكم هذا اذا عندك ضيوف وفي ايام الاختبارات توصيهم على الذبايح وينطق كم واحد معك عند الضيوف وغيره من الارتباطات اللي مو في محله وهذا اضرب لك مثل عشان اقرب لك الصوره

- اممممممم

- بعدين الذكي ذكي والغبي غبي من شبه اباه ماظلم ذاك الشبل من ذاك الاسد

- ههههههههه

-يعني لاتلوم عيالك ياحبيبي مو بالقوة هــي نجح ولا يسلم راسك عمرك ابقى

===============================

القصه صدقيه مبنيه على بيئه خليجيه

ليس بالضروره ان تقتنع بها ولكن ان تقراءها بجديه

ربماتجد بها بعض الطرافه ولكن المقصود حسن النيه

ويا اما معي او ضدي ومنكم واليكم والسلام عليكم

اخوكم الحر