بسم الله الرحمن الرحيم
السلام عليكم ورحمة الله وبركاته
هذي قصيده مسندها العم الشاعر /محمد الذرفي عن طريق اللإيميل
وهاهي بين يديكم منقوله نصيا" مع رد الشاعر/ عمر المسعر
يقول العم محمد الذرفي بالرساله /
الى اخي عمر عبدالله أسند هذه القصيده الغزاليه
الوقت ياعمر عيى الوقـت يصفالـي .. ماخبر يومـآ بصفـي مـال ميزانـه
ياعمر حالي عقب فرقاء هواء بالـي .. النفـس متكـدره والعيـن سهرانـه
تسئل عن الحال وذكر هـذه احوالـي ..عقب أريش العين حالي حيل تعبانـه
أجلس مع الناس وأنا كنـي لحالـي .. الروح ياخوك فـي ذكـراه سرحانـه
لاوهني ياعمر مـن خافقـه خالـي .. من واهج الشوق ماعـذب بنيرانـه
ماسافـر لغالـي ولاودعـه غالـي .. مرتاح مـن مسجـده لابـاب دكانـه
اكثـر زباينـه بنقالـي ونيبـالـي .. من كثر ميعاملونـه عـاوج السانـه
وأنا تجيني اهجوسـي دق وجلالـي .. من سبت اللي قضى عمري على شانه
يمانطرته ماقلـت ان الامـد طالـي .. ويما تحريت وصله عقـب هجرانـه
لو بين الشيب ماني عقبهـا سالـي .. ولايئس منه غير ياشاهدت ورعانـه
وسلام ختام
تحياتي عمر
صح لسانك يالذرفي مليوووون
وهذا ردي عليك وأتمنى أني وفقت بالمجاراه
( يقول المثل من شاف مصيبة غير هانت عليه مصيبته )
يالذرفي ذكرتنـي بونـة الجالـي ** اللـي جـلا مـن ربعـه وخلانـه
تشكي على الحال يا باخص(ن) حالي ** ياشايف(ن) وقتي راميني بنيشانه
وأنا يامحمد في خافقي صالي ** صالي النـار مـذوبٍ قلبـي وشريانـه
بسبت الريم حسين الدلالـي ** اللـي لاجيـت أوصفـه وصـف دانـه
يفداه عمري ورحـي ومالـي ** اللـي ملـك قلبـي بصـك وحصانـه
عارف(ن) مجناه من الجد والخالي ** وعارف(ن) إسمه ورقمه وعنوانـه
ومانـي مـن محتميـن التوالـي ** إن وقفـت بالـردا عنـد بيبانـه
أدعي عسى أنوله بالحلالـي ** وحـلال لاتوسـدت صـدره وذرعانـه
أدعي عساه أقرب من ضلالي ** يستجيـب دعـوة المحتـاج سبحانـه
ولا وهني اللي من الهـم خالـي ** يتبـع هـواء بالـه عـن ذيدانـه
وبالوقت يامحمد راحل ونزالي ** من الصمـان لتنهـات مطلـق عنانـه
هذا قولـي يابـو سنـد بمكيالـي ** الجـدار مايثبـت دون سيسانـه
وسلامتكم