|
رد : رجاء خاص ... الدخول للأهميه ... العضو والإداري
جمبازي شلونك وشلون الجمبزة ؟
حبيبي انا من رايي كل واحد يسأل الضيف وانت تاخذ الأسئلة طال عمرك .
وتطلع منها صفوة الصفوة لان أكيد راح تطلع لك اسئلة إجابتها مو مهمه ولا تهم حتى صاحب السؤال نفسه
وبعد ماتطلع صفوة الصفوة من الأسئلة اللي تحس أن أجوبة هالأسئلة راح تفيد أعضاء المنتدى وزواره .
وبنفس الوقت أسئلة يكون الضيف مقتنع فيها ومنطقية بعض الشي.
مع كم صورة للضيف أثناء الحوار .
وأنا راح أبتدي بالأسئلة وسؤالي هو التالي:
ليش المذيع / أحمد الفضلي أنتقل من صحفي بالمنوعات إلى مذيع ومحاور في برامج
سياسية ؟ خصوصا حسب علمي أنه متخصص منوعات وصحافة شلون انتقل من
خط الصحافة والمنوعات إلى خط المواضيع السياسية مع أن هذا مو مجاله مع العلم أنه أبدع في الحوارات السياسية . بس ليش النقلة هذي وهل أستفاد منها أو لا ؟
وبخصوص اللقاءات أنا قبل فترة قلت من الضروري أن تتسع دائرة اللقاءات ولا نحصرها على شيوخ أفخاذ أو عميد العائلة .
قلت لازم تتسع الدائرة ونعمل لقاءات مع رياضيين ودكاترة وشعار وكتاب فضول واي مجال آخر .
مو بس نحصر اللقاءات مع شيخ فخذ او عميد عائلة .
مع العلم أن عندنا بالكويت دكاترة ( فضول ) يعتبورن فطاحل بالطب وتستقبلهم الجرايد الكويتية والقنوات الكويتية .
خذ مثلا رئيس مركز البابطين للحروق هو الدكتور / أحمد الفضلي
وهناك أستشاري أعتقد بالجهاز التناسلي الدكتور / أحمد الفضلي وعنده عيادة خاصة وأستقبلته قناة الوطن الكويتية.
والدكتورة / عالية الفضلي عندها مجمع طبي خاص فيه جميع الأقسام ( باطنية - انف واذن وحنجرة - أسنان - وكل المجالات ) في مجمع واحد والمجمع هذا أسمه مجمع عالية الطبي . وهو للدكتورة عالية الفضلي
أما في المجال الرياضي ماشالله مبدعين مثل دكاترتنا
عندك اللاعب والحارس / خالد الفضلي حارس منتخب الكويت ولقبه الأخطبوط
وأخوه حارس المنتخب / أحمد الفضلي
واللاعب فهد عوض شاهين الفضلي / لاعب نادي الكويت والمنتخب الكويتي
اللاعب عبدالله نهار البازع الفضلي / لاعب نادي الكويت والمنتخب الكويتي
اللاعب عبدالرحمن المسعد / لاعب نادي القادسية والحين أشتروه نادي السالمية إعارة لموسم واحد
وهو لاعب لمنتخب الشباب الكويتي .
اللاعب محمد راشد الفضلي لاعب نادي القادسية والمنتخب الكويتي
وعندك في مجال الشعر أيضا حدث ولاحرج .
لازم نسوي لقاء في كل المجالات .
هذا مجرد رأي
م (( مغيرة )) ف (( فضلي )) ك (( كثيري )) = مفك
|