آلا ياتل قلبي تل سبق(ن) تـلــه القرنااااس
كـفـخ شــاف الحبــاري ونــطلق من كيف راااعيه
على اللي صابني بالهم والتفكير والهوجاااس
عقب مارااح خلى بالضمائر جمرة(ن) حيه
عقب فرقاااه ماطيق الحكي والنوم والمجلاس
اسوج الرجل وسرح معه بالروحااات والـجيه
أناديها وكنه تسمعن واصدق الاحسااااس
آلاوابري حااالي عشت بين احلااام وهميه
على قبر الامل بنيت واعزاااه قصر اليااااس
شمخ بين الحنايا والبناء ميه على ميه
أحسب احساااب خلي ساااكن(ن) كنه وراء مدرااس
ولاكنه على ماقيل بالمدن السعوديه
حسب تصريح رااع الحق من دون الغضي لولاس
اموراً بهذلتني عارف(ن) وشي تواااليه
سبااايب ناااس واعزي لمن تجرو عليه الناس
ياكم نفس(ن) توفت والسبااايب حرب(ن) أهليه
يانور العين ياغض النهد يالمطرق الميااااس
أنا مارجيك لكن ماقدرت انسااااك موليه
</b>