رد: معركة شقحب
بديـت باســم الله جـميــلات الاوزان = سطّرت من قافي بيوت(ن) جدادي
شــلّيــتـها واعطيتها حـلـو الالـحــان = هي غايـتي في مجـلسي هي قنـادي
هـذي القصيـده قـلتـها اليـوم طربـان = أعــــدها رايـــق عــليــكـم عــدادي
مـن شــان كيـفي للتـلاحين غـرمـان = في خـلوتي مع راحـة النفس شادي
هيّـضـني اللي بـالـتــفاكيــر عـمـيــان = زايــد غــروره يــهتــوي للنـشادي
قـال الفـضول منـين بانـشـدك يافــلان = مـاهــم قبــايـل في جــميع البلادي
قلت الفضول شيـوخ يامـسـخ شيـطان = ياجـاهـلي(ن) عـن هل العلم غادي
حـنـا ســلاطين(ن) على مرّ الازمـان = الله فــرقـنــا عــن جـمـيـع العبادي
حـنــا هــل الهيــجـا ليــا ثــار دخّــان = حـنــا الضيــاغم تـفترس للأعـادي
كــسّــابــة الصــولات في كـل ميدان = بــيّــاعة الأنـفس طيــور الـهــدادي
بــدنـا مغـول الشرق بالسيف فرسـان = بــن تــيــميــه يوم(ن) نخانا يـنادي
مثــل الصواعق يومهاضرب وطعان = زئــيـرهـم يــوم المــلاقــا رعـادي
في مـعــركـة شـقحب لنا عالي الشان = ســالـت دما العـدوان في كل وادي
ياخــالق (ن) للخلق في كـل الاكـوان = تــنصر هل التوحيد واهل الجهادي
يقولها الـفـضلي على النصر شــفـقـان = مــزهــد بـروحه ياجـماعه زهادي
...
صح لسانك شاعر الفضول
حقها التثبيت .
|