|
رد: قصيدة ياحادي العيس
هكذا مثل ماقال المقنّع الكندي
وإن الذي بيني وبين بنـي أبـي
وبين بني عمـي لمختلـف جـدا
فإن أكلوا لحمي وفرت لحومهـم
وإن هدموا مجدي بنيت لهم مجدا
وإن ضيعوا غيبي حفظت غيوبهم
وإن هووا غيي هويت لهم رشـدا
ولاأحمل الحقـد القديـم عليهـم
وليس يسود القوم من يحمل الحقدا
=====================
كبير تفضل الرد عليها ربي يحفظك لنا
مادام المشاركه من مشاعر الغير هنا؟
راقت لي قصيدة الشاعر صالح العنزي
جت على طبت الرجل اليمين(مصطلح
عسكري)هههه ؟ يقول فيها:-
ياصاحبي مسموح لاخـانك الشــوف
لو كان ضلع طـويق ما هوب خافي
ماني ضعيف ولا تحيزمت بضعوف
والحــمد لله مشلح العــز ضافــي
كـم لاح قدامـي عراقـيل وصـدوف
ورميتهـا مـن فضـل ربي خـلافــي
وزلـة رفيقـي دايـم تمــر واطــوف
ما حـاسبه عـن زلتــه يالسـنافـي
أقــول يمكـن وقتهـا مــر بظـــروف
وهـذا الزمن طبعـه يجيه اختلافي
رايي ولاني في رضا الناس مكلوف
لا صـار عقـلــي مقتـنع فـيـه كافـي
مار التعـب فـي سلم الاخـوان مألوف
ولا يـوصـل الموضوع حـد التجـافـي
أرض المعـزه ما علـى زرعـها خـوف
مـا زارهـا ركـب السنـين العجـافـي
ويـا صانع المعروف تجـزى بمعـروف
مـا يجحد المعـروف يـاكــود هـافــي
اسمك من القاموس ماهـوب محـذوف
ومـراكـبك مـا غـادرت عــن ضفـافـي
لكن أبرسـم لك على اوراقـي حروف
مشــاعـر (ن) رتبتــهـــا بالقـوافـــي
والسمع ما يطـرب على كـل معـزوف
ولا يعـجـب العينـين كـل مـا يشـافـي
وصدري كتـاب(ن) للقريبين مكشوف
والقلـب مـع كـل المـحبـين صــافــي
أفــرح بـجــيتـهـم لـيـا حلّــو ضـيــوف
وانـا لهــم مخـلــص وصـادق ووافي
هـذا حسب وصفي وكل لـه وصـوف
والله هــو اللــي مطـلع بـالخـوافـي
|