بسم الله الرحمن الرحيم
السلام عليكم ورحمة الله وبركاته
كل عام وأنتم بخير
هذه قصيده مهداه للشيخ سعود بن عبدالله بن طالب الفضلي حفظه الله
حيث أن الشيخ سعود ملكني بمعروف لن إنساه مدى الحياه
ومناسبة القصيده عندما أخبرت والدي بما فعل الشيخ معي من معروف قال
( صاحب المعروف لأتنسى معروفه صغير أو كبير وإذا لم تحرص على معرفة الطيبين من الرجال فأنت ليس ابني )

يا يبه مايجحد الطيب رجل ٍ فيه خير = ماجحده إلا ردي ٍ جحوده من رداه
واحدن ناقص رجوله ولاعنده ضمير = ودك إيشيل العمامه ويلبس له عباه
يايبه خذني معك والمدى ماهو قصير = لاتوصيني ولأنيب محتاج الوصاه
من تجمل بي ولو كان معروفه صغير = اعتبر معروفه أكبر من جبال السراه
وابن طالب قد تجمل عسى خيره كثير = في رقبتي له جميل ٍ عجزت الحق جزاه
ابن عبدالله سعود الوفي غيث الفقير = صاحب المعروف والجاه يوم الله عطاه
صوبه الأمداح تنقاد بسلوك الحرير = حازها من فعل يمنى وطيب وكبر جاه
في سماء الأمداح ماله مثيل ولا خشير = بارزن مثل القمر باكتماله في سماه
سمعته للناس فاحت مثل فوح العبير = يأكثر من جاه عاني من البعد ونصاه
من يجيه لحاجته ٍ كايده وأمره عسير = كل همه لآ دخل بيت بن طالب نساه
التواضع فيه لو منصبه نائب وزير = بالتواضع يكسب الشعب كله لوبغاه
وبالكرم مايوصف إلا على البحر الغزير = يضحك حجاجه لضيفه قبل يسمع نبأه
الصعيب اللي يكود العرب عنده يسير = ماش درب ٍ فيه للناس خير إلا مشاه
عون من يشكي من الوقت وجناحه كسير = اشهد أنه هو عضيد السعد للي نخاه
فالوازم والمواقف كما السيف الشطير = فزعة اللي ضيم دنياه حده واحتداه
ايه أبعلن ماتخفي صناديق الضمير = خوة سعود بن طالب طموحي فالحياه
يومغيري يطلب العزمن خوة أمير = خوة الشيخبن طالب نواميسوغناه
ليتها تأتيه الأبيات والخوه تصير = والبس أنواط الشرف واتهناء في لقاه
واذخره لليوم الأقشر و لليوم الكبير = واستندبه كان شفت الزمن دارة رحاه
والختام أزكى صلاة ٍ على وجه البشير = النبي الهادي اللي منزه من خطاه

وسلامتكم

واتمنى انها تصل للشيخ

سليمان العتيبي