الله علـى حـزنٍ يِبـاع ولا عــذاب يِّنـشِـرِيّ ..
طال إنتظـاري ، والحنيـن بـرى فـؤادي وإنبـرى

ضاقت مسافات المدى بصدر إختلاجـات أصغَـرِي ..

ما عـاد بـه صبـرٍ جميـل .. ولا صبـاحٍ يِّحْتِـرى

حلـمٍ تسلـل لتعبـي ليمـا غفـا بــه أكـثـري ..

صادر مساحات الفرح ؟ ما دري شراها مشْتَـرَّى ..؟!

تايه على سكة وجـع بـأرض العـذاب السمهـري..

أمشي واشيـل طعونهـا تحـت الشمـوس بـلا ذرى

غلطة شغـف .. تفاقمـت بِيِـد الزمـان البربـري..

صار الجرح مية جرح .. ول يا الزمان ليا إفترى .. !!

أحـدٍ يـدور لـك خطـا بالتلسكـوب المجـهَـري ..

وأحـدٍ يغـض عـن الخطـا طرفـه وكنـه لا يـرى

يا لايمـي دام أشْجِعـك مـا يملـك يـرِّد قـدّرِي ..

دوِّر على اللي تقدره .. والحـقْ علـى ليلـك سـرى

أطول مباني ظاهرك ما تـا صَـل قاصِـر مخْبَـرِّي ..

وفر لنفسك صيدها .. وإعتب علـى اللـي مـا درى

ياللـي هواهـا حافـرٍ بيـر إرتـواز بـمَحجّـرِِّي ..

خطيـر لـو هـو ينفجـر يغـرق مـزارع اسـتـرا

ودي أسيِّـل عبرتـي لكـن سريـبـي مهـتـري..

يحرق حـرارة منبعـه مجـرى الدمـوع ليـا جـرى

يا طيفها اللي ما بـرح واقـف علـى حـد نظّـرِي..

فجـر بقلبـي مــاردٍ سـبَّـل جفـونـي للـكـرى

اللي سـرى هـو والقمـر وش حاجتـه للمشّتِـرِي..

واللي أحرقه وهج الشموس وش له مع نجوم السـرى

سوالـفٍ ماهـي سـوا شبـت بهامـش دَفـتـري..

استغفر الله وأعبـده .. والعـذر مـن اللـي يعـذرا

الصقررر