السلام عليكم ورحمة الله وبركاته

تحيه طيبه وبعد:-

الاخت \ شاعرة متواضعه

ذكرتـي بنفسك كلمة محيط.."الاختلاط وكشف الوجه والحشمه وغيره تعتمد على المحيط"

في ناس عايشين في محيط يسمح لهم بكشف الوجه والاختلاط وهذا عندهم شي طبيعي ان تظهر

في الاعلام مرئي او مسموع او مطعمم او استقبال في فندق ... وفي محيط والله الوضع عادي جدا
مايهم وين تروح وين تجي (( بطقاق)) لان مالها اي اهميه عندهم واذا كانت غاليه عندهم ماهي بقوة غلا بناتنا عندنا لو بوصف بالنسبه بقول شعره ضايعه في بحر بنت نوع الفري لو تمرض قالو لها روحي مع سواق بينما لو تمرض بنتنا يفز رجال عن الف رجال يطلع حافي الرجلين وينسى نفسه بس المهم يوديها المشفى

كل انسان على حسب بيئته الاهل في البيت المنطقه البلد لها تأثير يعني الكلام هذا منتهين منه .....

مستحيل نشوف بنات عايشين في محيط متحفظ بتقاليد وعادات هي في الاساس عاجبتهم وعارفين قدرهم وشفنا رد بعض الاخوات في الاعلى

كيف كان الرد ....

الاخت منيره قالت (( ثقه )) .. الثقه موجوده بس ليش مانقول حرص وغيره .

وهذا من غلاتهم عندنا ونخاف عليهم حتى من نسمة الهواء العابره

في موضوع كاتبته الاخت صوت الامل وكانت معصبه تذكر فيه ليش تزعلون من ذكر اسم الام او الاخت

تصوري هذا شي فعلا حاصل فما بالك ان تظهر في التلفزيون والاعلام بشكل عام والله ان (( تشب شبوب ماتطفيها بحور))

وسالفة السواق في عوائل ماتركب مع السواق الا مع اخوها الصغير او امها هي من نفسها البنت من حياها وخوفه تحس برهبه وكم بيت عندهم سواق

تقريبا اكثر وقته يغسل سياراتهم وثلاثة ارباع يومه نايم

وعلى فكره حنا شعب محسودين على النعمه هذه والعالم ونظرتهم لنا نظرة تخلف وفي الحقيقه هم المتخلفين لان مادوروا عن الاسباب واذا كان هذا تخلف فعلا يامرحبا وياهلا بالتخلف اللي يسترنا

وفي العنه مليون في التطور الي بيكسر الحشمه مانبيه من تطور

اذكر لك قصه صارت لي في مستشفى البحرين العسكري

في بائع للورد والهدايا والحلاويات مغلفه بأكياس والمرطبات وكل يوم يشوفني موجود وقت ماحبيت نزلت عنده ولا طرى على باله

يتكلم معي.........

الا يوم شاف عنده زحمة وقت زيارة وحب يحرجني وقالي ليش الحريم السعوديين متغطيين بالكامل عبايه وغطى ليه مو زي كذا فري

الفري يقصد فيها البنات الموجودين وهم يسمعون

خذت احد الحلاويات المغلفه ومزينه ومزقتها وطارت عيوونه وقال ليش زعلت الحين هذا بيخرب مين بيشتريه

قلت له هذا الغلاف اللي يحفظ حلوياتك زي العبايه وغطى الراس اللي تحفظ حريمنا من عيونك وعطيته قيمة التغليفه وقلت له غلفها

حتى مايتجمع عليها الذباب وتخرب وماينزل سعرها ويشترونها منك... هز براسه وسط خجل البنات الموجودين وقال كلامك والله صحيح.. هذا وهو ((اجنبي وقتنع))

كيف تبينا نرضى يطلعون في الاعلام ممكن واحد امه لبنانيه هذا بيرضى والله العالم

في فرق بين الثقه ومن جهه ثانيه الغيره والحرص والغلا

وعلى فكرة

في سعوديات يتغطون عن التلفزيون الى يومك هذا عشان يجيب رجال

تدرين هذا مو تخلف

هذا من حياهم

ياليت تروحين عندهم وتقولين الموضوع هذا 100 % بيطلعون لك بشوزن ههههههه

اسف على الاطاله بس حبيت ابين لك ان هذا شي مرفوض لدينا

يعطيك العافيه اختي شاعرة متواضعه على الموضوع اللي يحرق الاعصاب

بداية موفقه في الاستفزاز

ارق تحيه