ياعبد الله ابكتب لك وصيه

........... لونك منت محتاج الوصيه

انا بروح للحد الجنوبي

................ ويمكن روحتي من غير جيه


وانا مادس راسي فالمعارك

........... وراسي فدوة الدار العذيه

لامني مت تكتب لي شهاده

........... وجنات النعيم اخير ليه

وطنا لحتزمنا دون حده

....... ورفع الصوت ويعطي معنويه

وابدا بالوصيه ياحزامي

............ لونك منت محتاج الوصيه

ابيك تضم تركي مع خواته

................ لاينقصهم كثير ولا شويه

ابيك اتحطهم داخل عيونك

............ وهم في حاجتك صبح وعشيه

ولن نادوك وقالو وين بابا

............... تقول لهم يبا يرجع شويه

عساي ارجع لهم سالم وغانم

............ واظم تركي وخواته في يديه