يا ناشد عنا ترانا بني لام
يا ناشد عنا ترانا بني لام = فينا الفضول ومن كثير ومغيرة
منا أبن عروج والشيخ لزام = وأنا خوال الحر ريف الجزيرة
عبد العزيز ابن الفهد نسل الأمام = الي مضى سيفه على كل ديرة
ويوم الصوارم ماخذه دور الاحكام = نفتي ونحكم بالسيوف الشطيره
اولاد لام في العرب دوم قدام = كان الكرم مارد ترى لام بيره
ومن ربع طي اهل الشجاعة و الأقدام = في طي في كهلان نعم الذخيره
وسايد للضيف لا وصلنا نام = نقضي له الحاجه وهي ضميره
من قبل ينطقها تجي عنده شمام = والله عطانا فضل جوده وخيره
وكل القبايل في الجزيرة ترا اعلام = والفضل بالتقوى وحسن المسيره
|