حاولة انتقي ابيات لاعلق عليها
فوجدة نفسي انتقي جميع الابيات
قلت ارقدي في ليلتك وابشري خيـر
مانـي برجـال قصيـر... انتسابـة
ماكل طير لاارتفع يقـال لـه طيـر
حنا هـل الطـولات وحنـا الذيابـة
(ماجيت من (برزة) ولاديرتي (الدير)
حنـا حكمنـا وعلمنـا ينحكـي بـة
رجالنا لامـن طلـع زرقـة عصيـر
حـق علـي العربـان كلهـا تهابـة
حنا لنـا طبـع حشـا طبعنـا غيـر
لامن دخل في وجهنـا صـك بابـة
ماجـاة زويـر ولاجـاة ذا عـويـر
ولاعندنـا احـد يحوسـف شبابـة
وغداننـا وعيالنـا تسبـق الطيـر
نسواننـا فكـت حـروب ونشـابـة
حنـا انخلقنـا للسبـب والمعاذيـر
حنـا انخلقنـا للـشـرة والعتـابـة
حنا انخلقنـا للذهـب عملـة النيـر
حنـا خلقنـا ربـنـا ...للمهـابـة
لامن غدا فينا ولـد امـرط السيـر
سهم صويـب بمفرقـك ايـة جابـة
للضيف نذبـح الوضـح والمغاتيـر
حـق علينـا وضيفنـا مرحبـا بـة
ميتين عـام ومثلهـا نحكـم الغيـر
نجد حكمنـا واليمـن وكـل غابـة
نركب خيـول مالحقهـا الاعاشيـر
حصـن تـروغ الافتـح كـل بابـة
صفرا وحمـرا والابـل بالمعاسيـر
تبرك علي العدوان بـرك السحابـة
نطرب علي صوت الهجيني والاشطير
نطرب علـي دق النجـر والربابـة
حنـا كثيـر وربعـنـا المكاثـيـر
حكـام عـز وخيـر ياجـود لابـة
الايـا تـوارت للـردي والدواويـر
في ساحـة الميـدان حنـا صبابـة
سيوفنـا تشكـي الدمـا بالمعافيـر
خناجـر تضـرب صـدور ورقابـة
ردي لفراشك وارقدي وابشري خير
مانـي برجـال قصيـر ...انتسابـة |
صح السان فواز ولا هنت على النقل
واتمنى انك تدعوة ليثري منتدى القبيلة بقصائده