صدقت يا الفضلي77 واخيرا : ترا التدريس والله متعة بس قوانينا خلته نقمة والله انك صادق
انا واحد يوم كنت اتطبق وانا طالب بالكلية طبقت في مدرسة ارامكوا نموذجية بمعنى الكلمة اقسم بالله انك تجي وانت متحمس وبعدين جميع الوسائل التعليميه متوفرة وعملت هناك حصص نموذجيه على مستوى الدمام
غير ورش العمل اللى سويته وآخذت في التطبيق A والحمدلله وكنت مرشح معيد في قسم تدريس اللغة العربية لكن المعدل كان عقبه كبيرة لكن الحمدلله على كل حال.
وبعد هذا العز جاء التعيين خارج المنطقه الشرقية لكن السؤال وين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هنا عاد الحقيقة المرة والجهاد الأكبر مثل مايقولن المدرسين ههههههههه في هجرة ورى الرياض بـ360 كيلو
طبعا تابعه لمحافظة القويعية تقريبا بعد حلبان بـ50 كليو انا مستغرب هناك الناس كيف عايشه...!!!!!!
وطريق الهجرة جلد مو زفلت ومليان ثعالب وبعارين تمردغ ونيص ووبر وضبان وحيات ونسور وغربان حشا مو في السعودية احنا في افريقيا وفوق هذا اذا قربنا من الهجرة تكرمون والسامع والملائكه تلحقنا كلاب الحراسه الى المدرسه وتالي ترجع ولا المدرسه عاد هههههههه شي شي رهيب عجيب غريب ندخل ونشوف دجاج الجيران واحيان الغنم تسرح فيها الله اكبر ضاق عليها البر وجات المدرسه هذا اللى صاير من غير مبالغه
وقبل نهاية الشهر بيومين او ثلاث علشان الرواتب يجون الموجهين لانهم ياخذون نسبة فوق الراتب على الزيارات
واذا جاوا قالوا لالالا انتوا سمعتكم مو طيبه لالالا انتوا ما تدامون الا متاخرين وهم مير يتكلمون ولا يدرون عن شي لكن يسون روحهم اعنبوا دارك ادوام كل يوم 70كيلو رايح و70 جاي يعني 140 كيلو يوميا وانت ماغير تجي مرة كل شهر تضرب 200 كيلو وتاخذ زيادة عليها قلنا لهم وش رايكم تمسكون مكانا احسن وش كيف الدوام معك يسكت ويحك راسه ويتنحنح ويغير الموضوع وفي النهايه يقول الله يعينكم.!.!.!.!!!
لكن لما ارحوا ادارة التعليم ادرو على موظف ولا على موجهه ما تحصل احد وكل واحد يكذب علي الا يقول مريض من يومين مسخن (الله يشفيه آيه هين تحصله راح يدور على ددتسن الاخ يبي يكشت في البر ولا تحصله مع خويه في المكتب اللى بالدرور الرابع او الثالث وسكرينه انا ابي اعرف ويش يسون يطبخون ولا يغسلون لا وفوق هذا يلومون الناس ولا يشوفون روحهم والله حاله)
فيا معلمين ومعلمات المدن سواء كنتوا في السعوديه او الكويت او قطر تراكم في نعمه عايشين عند اهلكم
والخدمات متوفرة من مستشفى وسوق ومطاعم وغيره
آه آه آه لكن ان شاءالله تعدي السنه وانقل الشرقيه بأذن الله
وراح اضع صور طريق الهجرة ومع صور المدرسة حتى تشفون كم نعاني لكن من يقدر؟!؟!؟!!!!
|