السلام عليكم
الاخ / عبدالله الفضلي
الله يعطيك الصحه والعافيه على الرد ، ومشكور على التوضيح في مسألة الفعل والفاعل ، وان هناك فرق بين الكافر ( الفاعل ) ، وتكفير الشي ( الفعل ) .
ويمكن انا صار عندي التباس في مسألة الرافضي ، وانت قلت خارجي تكفيري ، بس ابي منك تفسير لكلمة خارجي تكفيري ؟؟!!
وفي نفس الوقت ابيك تذكرلي شروط الجهاد ؟؟ شنو الشروط الواجب توافرها ؟؟
بس رجاءا اخ عبدالله ، لاتذكرلي ( موافقة ولي الامر )،( لان الكل قاعد يبرر الجهاد بالعذر هذا ) ، وطبعا ولي الامر مو المقصود فيها ابوك ، لا ، المقصود اهو رئيس الدولة اللي انت مقيم فيها .
هذا عذر قاعد تتستر فيه العالم ، لان يدرون لو تطلع لهم ( قرون براسهم ) ولي الامر ماراح يفتي بالجهاد .
__________________________________________________ ___________
اما في مسألة عالم وخريج شريعه ، فكلامك صح ، وانا غلطان اني ذكرتلك هالجمله ، لاني نسيت ان الدين صار سياسه بوقتنا هذا ، عسى ماتقولك كلمة ، الا ثاني يوم مكلبشينك ، وزانطينك من رقبتك . وبهالطريقه شهادة الشريعه ينقعها ويشرب مايها .(( طبعا انت عارف شنو يعني مكلبشينك وزانطينك ) :)
__________________________________________________ ____________
وفي الاخير انا برد على بداية مشاركتك الثانيه ، يوم تقول ( المعتوه ابن لادن )
ترى انت ارتكبت ذنب ، واهو ( اسامه بن لادن ) اخذ حسنه من حسناتك .
ولا تعتقد ان هذا دفاعا عنه ، ترى ابن لادن عندي حاله حال اي انسان يتمشى بالشارع مااعرفه ، مالي شغل فيه .
بس هذا ردي لان ماتعودنا منك انك تقذف احد .
تقبل تحياتي .
|