السلام عليكم ،،
تهادت ترد الموج عن جالها الميلاف
مع كل خطوة تجمع الغي و تفضه
معاك العذارا كنهن شجرة الصفصاف
عدا اللوم من شافك بطرفه ولا غضه !
عيوني فراش وجفن عيني عليك الحاف
معك من تبي زعلّه و اللي تبي رضّه
لو ان الثقال ثقال كان الخفاف خفاف
وأنا عني مابه واحدٍ ظالمٍ حظه !!
يقولون منهو خاف يسلم وأنا ما خاف
أبي تنثني لي شوق لحظة ورا لحظه
عطيني لقى واخذيني وما عليك خلاف
لك الصدر والي بالصدر طوله وعرضه
عطاك الله من الحسن مالا بعين انشاف
من التوت و الرمان الى آخر الفُرضه
ياويلي على تينٍ تدلّى ورى الشفاف
وأنا التين أحبه وأبلعه قبل لا أعضه؟
انا يوم اعاين عودك المايس الغرياف
تقول اني اشبح جنة الله في أرضه
لـ / فواز نايف الدواجنه