يابوي
جعلك للبقا والمكاسيب
عمري بدونك يالذّرا ويـش أبـي بـه
خذ دلّتك واركى على مسند الجيب
وعطني شماغك بلثمه وأحتمي به
يابوي
بنتك لاانحكى بالتّجاريب
كل ٍ يشـق لهيبـه الصّيـت جيبـه
مرفوع شاني عن غرام المكاتيب
أحـط وجهـي بالحريـق ولهيبـه
والله لأسدّك بالفعول المصاليب
والله لأشيلـك بالرخـا والمصيبـه
وياشيخي
إبشر لوتدور الدّواليب
بنتك إلا منّه عوى الذّيب ( ذيبـه)