هااا دكتوره سعاد دأقراء شعر وأبو ذيات عسى دوم هالروقان.. كو لشي عراقي يمس الكَلب أني كولش هواي أحب العراق وأهل العراق شعب خاص ولد ملحه وأهل غيره وللأبوذيات العراقيه مذاق خاص راح أنقل إلكم بعض منها كون تعجبكم..
الهدف مرات اصيبنه وخونه
بس هيهات اغش صاحب وخونه
احسبك انت من عدنه وخونه
لانك شهم ماتنسه الخويه
اريد امشي بظلمة ليل وسعه
على ام خصرن حلو وعين وسعه
بالله ياحفر القبر بلحيل وسعه
اذا ماكنت الغاليه عروسه اليه
نخيل ابلادي من خدج .. بلح لام
وجمالج ماكو ابد مثله .. بالأحلام
رهيبة وقاتمة الدنية .. بلا احلام
وبلايه اعيونهه الدنية رديه
هلي ما لبسوا خادم سملهم
وبجبود العدا بايت سم الهم
أن جان أهلك نجم أهلي سمه الهم
وجثير من النجم علا وغاب
هنجل كلبي من شافك ودرباك
وحرت شلون اعلمنــــك ودرباك
كضيتة زحوف شارعكم ودرباك
زلغت الركب وعكوس ادية
حبيبي انة منــــــــك ونتة مني
وحس كلمن يون لك ونتة مني
اجت احزان دهــــرك وانتمن لي
وصرت يفلان مأوى لكل رزية
التعب والضيم جنبي الراحه جنبك
اشتضن من نار كلبي راح اجنبك
عشك العقل خلص راح اجن بك
واموت بعشرتك وابليك بيه
يالبهمك ملابــــــــــــس لابستني
وثوب الحزن بيــــــدك لابستنـي
زعلت لا صالحتنـــــي لا بستني
ولا كتلي بالجذب حقك علية
اريد الزم خديــــــــدك وشتمنة
واريد انعل ابيــــــــك وشتمنة
تدري شراد كلبـــــــي وشتمنة
على صدرك اموت وهاي هية
الفرح مايوم بروحي مر بيها
ومره اكره الدنيا ومره ابيها
حياتي اصبحت حنظل مر بيها
أشد من المنازع بالمنيه
الفرح مايوم بروحي مر بيها
ومره اكره الدنيا ومره ابيها
حياتي اصبحت حنظل مر بيها
أشد من المنازع بالمنيه