بسم الله الرحمن الرحيم

سلام مني عد ماهب نسناس = واعداد ماهل المطر من مخيله
ينصا الفواضل نسل لامٍ وهباس = اهل الشجاعة حاميين الدخيله
واخص هل العليا بمجدٍ ونوماس = الجود ربعي والكرم هم دليله
ربعي هل العادات للطيب مقياس= ربعي شعاع الشمس وقت المقيله
حريب ربعي مايجي عينه انعاس = محروم دايم في حياةٍ ذليله
مشغول فكره داير بكل وسواس = يوم الوغى يلقى سيوفٍ سليله
اولاد عوده لابتي اشرف الناس = أصل الامارة هم وأهل الفضيله
(أفعالهم كافعال عنتر وعباس) = يكفيني المعروف مبغى بديله

والصلاة والسلام على رسول الله وعلى آله وسلم