السلام عليكم هذه بعض الابيات من قصيد صكار المهنا ياراكبٍ من عندنـا فـوق مذعـار *** مامـون قطـاع الفيافـي معنـا
يسبق مطافيق القطا حين ما طار *** فوقه غـلام يوصـل الهـرج منـا
لهديب حمال الثقيلات صبـار *** يلفـي علـيٌ الشيـخ زبـن المجنـا
امرٍ ٍ سديته يا علي ما بعد صار *** جيتوا تبون ضيوفنا غصـب عنـا
ثرى الخوى والضيف والثالث الجار *** مثل الصلاة ما بين فرض ٍ وسنا
وليا عطينا ضيفنا ما لنا كـار *** نلـوذ عـن زيـن المجالـس بعنـا
وش عذرنا من لابس الخصر وسوار*** اللـي يرشـن الذوايـب بحنـا
واللي زبنا زابنن ضلع سنجار *** والحرب نرسي لـه اليـا ثـار حنـا
ورجالنا يفرح ليا شاف خطار *** يقحص لهم بالعجل مـا هـو يتونـا
لا جـن يتوجـن الفيافـي والاكـوار *** لا لـوذن ببيوتنـا يرجهنـا
أول قراهم دلة ٍ نصفها بهار *** ونجـرن ٍ يلاعبهـن علـى كـل فنـا
وثاني قراهم من حليات الاثمـار *** غرايـس ٍ طلعـة سهيـل اثمرنـا
وثالـث قراهـم حايـل ٍ يـوم تنـدار *** ومناسـف ٍلضيوفنـا ينقلنـا
تسعين ليله واشهب الملح به ثار*** واللـي ينـوم انطيـر النـوم عنـا
محمد بناها واودع السور مندار *** وهلهل علـى درب السلامـة وغنـا