السلام عليكم ،،
أنا راس مال ، ولكن أنتم خسرتوني
وأنا كاسب بخسرانكم نفسي وديني
كتبتوني ،، لكن ليه من قبل تقروني!!
وأنا خافض لخوتكم أشقر جناحيني
تحبوني ولا عاد منتم تحبوني !!!!!!
فلاني بمرضيكم ولا انتم بمرضيني!
اقضي حوايجكم ،،،، بدقة تلافوني
ولاجيتكم ما شفت رجال يقضّيني !!
تخيب الهقاوي وتختلف فيكم ظنوني
وأنا دون ربعي واقف بكل يدّيني !!!
اعين الرفيق وذاخره للزمن عوني
وهو لا قضى حاجتْه وينه وانا ويني!
ياكم واحدٍ بديت شونه على شوني
وذا الحين حد الله مابينه وبيني !
ليا ضاق واحدهم انزل له متوني
وأشل الحمول الكايده عن قريبيني
يا عزااااه ويا وجدي على اللي تنخوني
ويوم ان وقعت الا و كثرت سكاكيني!
تألمت و أستاجعت يلي تعرفوني
أورّدكم الما ، ولابكم شخص يرويني!
أنا أخاف يوم تطيح من وجهي عيوني
على كثر ما طاحت رياجيل من عيني