اللي على وصله اسوق التباشير=خايف يجيني يوم واحزن لـ فرقاه
يابو معاون لو يجن الغنادير=عندي ولا يسون رعشه لـ عينااااه
لو قلت الحيله بقل التدابير=ماني بلاقي من عقب صده اشباااه
والله لو غيره يجني طوابير=ما يسون بعيني مواطي خطاياه
يا بو معاون يا عشير المناعير=انت الذي يالحر في يدك لاماه
اليد ما تاصل ثرى قاعة البير=والا انت يدك يابن الاجواااد طولاه
مامن خطا مني ولامن تقاصير=يومٍ ولد اللاش كثرت خطاياه
افزع لـ خيّك يا نسل منقع الخير=لا تمد له يسراك لا مد يمنااااه
مامن ورا كثر الحكاوي تبارير=اخر كلامي واخذه اليوم باقصااه
اللي (عشقت) حبال وصله مقاصير=محتلّ وطن صدري من اقصاه لـ ادناه
لو كان عني صد ماله معاذير=اسوق له مليون جاهه ورا جــــاه
بس لا يقفي عني وينصي الغير=وتطول من عقبه المحاسيف والآآآآآآآآآآآآآآآه