|
رد: مثـــــل وقــصــة --- موضوع منكم واليكم والسلام عليكم
قصـــة مثــــل مع الخيل ياشقراااا.....
كان يامكان في قديم الزمان كان بوه فلاح وعنده خيولن جميله
كل صبحيه عقب مايقوم ويتقهوى يروح ويرعاهن ويدربهن
فيفتح لهن باب الحوش أو مايسمى بالإسطبل حديثاً
ويخليهن يدوجن ويلعبن بأرجاء المزرعه لين يطيح اللي براسهن ..
وبنفس الوقت كان عندوه بقره شقراء عزيزةٍ على قلبه
وكانت هالبقره كل ماقام الرجال واطلق الخيول وشافتهن يراكضن
قامت ورفعت ذيلها وركضت وراهن بأسرع ماعندها تقلدهن تسنها مهبوله
وكل ماشافها الفلاح على هاك الحال .. قال :
مع الخيل يا شقراااء
ودرجت هالكلمه لين صارت مثل يضربون به اللي يسوي مثل سواة البقره
وسلااااامتكم
|