السلام عليكم
مساكم /صبحكم الله بالخير جميعا
شلونكم طيبين ... هذي بعض الصور للمضغوط من اخر كشتة وحبيت اشارككم فيها


بعض اعضاء الرحلة


ندخل طوالي بالطبخة ... مثل ما تشوفون قدر الضخط واللحم مع الزبدة ...طبعا اضفت الماء والملح والبهار الخااص لكن محد صورني



هنا القدر بعض اضافة الماء والبهار والملح على اللحم



وهنا ازين المدفونة (قصديرة) اثناء طبخ اللحم... وهذي الخضرة اهم شي مع المدفونة... لا مانع من بعض الذباب



الخلطة السحرية والمكونات الذرية لمدفونة الدجاج ... فيه مدفونة لحم لكن اعتب على اخوي اللي ما صورني بالدرجة الكافية



هذي يا اخوان الحمسة (الكشنة) بصل



ونلبخ به زبدة ونحرك شوي



والجزر لعيون اللي طلبة مع الكشنة



والزبيب يا لبى الزبيب وبعض البهارات الخاصة جدا جدا لتغيير اللون واعطائها طعما خياليا



فكيت قدر الضغط واللحم استوى ... زدت الملح وحطيت الرز ... وزنت الموية ... عشان يصير نثري



بعض اللمسات الضرورية ... لومي اسود وورق غار ودارسين والفلفل (حبحر) اهم شي الفلفل



وهنا اغلقنا القنبلة الموقوتة وبجنبها الالغام طبعا الجمر ما كفى عشان كذا المدفونة تاخرت كل شوي اقلبها جنب... اخيرا صار عندي وقت ارتاح واشوف العيال شوي



يم يم يم تعال وانطح فالك وشوف الفن والجمال ... والرز نثري يا سلااااام



واللغم فكيناه ... واحلى مدفونة وبها شوية مرق بالبطاطس ... اخر اجرااااااام





وبالصحة والعافية طبعا باقي صور لكن بالجوال لان وقت الاكل ما ينفع كاميرا وزحمة ... ولا لي خلق انزل الصور من الجوال


والوعد بعد شهر ... محبكم ابوسيف 2011 يناير