اقتباس:
المشاركة الأصلية كتبت بواسطة عمر المسعر 
السلام عليكم ورحمة الله وبركاته
تلبيه لطلب العزيز على قلبي العم ( إبن لام الدويسي )
والذي أبا إلا أن تنزل القصائد بالصوت بقوله نريد التغيير
( ولا تواخذونني على الصوت لان التسجيل من الجوال )
إليكم القصيده المسنده للعم الغالي الشاعر محمد الذرفي
على قولت راعي الفاطر يوم يقول لصاحبه
أما أنت هيجن ليا هيجنت
و إلا أنت عن فاطري حول
إليكم القصيده بعد أن أرسلتها له عبر رسالة وسائط بالصوت وقام بالرد برساله كتابيه
و إليكم رابط تحميل شيلة القصيده / بصوتي أنا عمر المسعر
وماقصر سلووم أضاف صدى لصوت وإليكم الرابط
أكتب قصيده أبي أرتاح
لاضاق صدري أغنيها
جودي على فركت المسباح
والعين تشفق لغاليها
من يوصل العلم له ياصاح
إن كان حالي جهل فيها
قله ترا ماني إبمرتاح
والنار بالقلب صاليها
ياليت عيني تشوف أشباح
ولا هنوف(ن) تمنيها
مجنون ليلى زمانه راح
واليوم هايم بواديها
أثر الهوى بالزمن سفاح
لاصاب قلوب(ن) رثع فيها
غنية أبياتي وسدي باح
وبـانـت علوم(ن) مخفيها
أكتب قصيده أبي أرتاح
ليت أبو سند يجاريها
ــــــــــــــــــــــــــــــــــــــــــــــــــ ــــــــــــــــــــــــ
وهذا رد العم محمد الذرفي
وإليكم شيلة القصيده / بصوتي أنا عمر المسعر
ياعمر وأنا معك منصاح
لو تطلب الروح لهديها
لاتشكي جرحك على الجراح
علتك محدن يداويها
إلا أبو نهود(ن) كما التفاح
هذاك ينعشك طاريها
يابن عطر الحبيب وفاح
مواجع الروح يبريها
أسأل مجرب زمانه راح
مواجعه كان يخفيها
ياما ركض بالطريق وطاح
والعين نومه مجافيها
ماعمر برق الأمل له لاح
لاشك مازال يرجيها
أهله علي ياصديق إشحاح
الله يزين تواليها
وبعد أن وصلني رد العم محمد الذرفي على قصيدتي
تقلبت مواجعي وقمت بالرد بهذه الأبيات ولعل العم أبو سند يجاريها ( مع انني لا إلزمه بالمجاراه )
وكان ردي إسنادا" لقول الله تعالى ( المال والبنون زينة الحياه الدنيا )
أقول /
عرضت جروحي على شراح
ثم قام بالموس يدميها
قد شب نار(ن) بلا قداح
وأنا أحسبه جاء يطفيها
أخذت علم(ن) مهوب إمزاح
وأنا اللكاعه ما أدانيها
عن النخل إنشد الفلاح
كود الثمر من سواقيها
مير النخل حاجته لقاح
من شان يثمر بحاليها
ولافيه نور(ن) بلا مصباح
ظلمتك يالليل يضويها
ولافيه قفل(ن) بلا مفتاح
وخزن الذهب عند واليها
لو ماشكيت العنا يا بداح
للي كحلها ويعميها
وسلامتكم جميعا"
 |
|
 |
|
من يوصل العلم له ياصاح
إن كان حالي جهل فيها
قله ترا ماني إبمرتاح
والنار بالقلب صاليها
صح لسانك يا عمر انت والشاعر محمد الذرفي صوت واداء والله وخلي بالك بو صالح المرة
الجاية يطلب منك صوت صورة حضر حالك
تقديري والاحترام |
|
 |
|
 |