|
رد : مل من الضيقه بالجناحين يخبط ** نتف ريش جنحانه من كثر خبطه
اقتباس:
المشاركة الأصلية كتبت بواسطة إبن لام الدويسي
ابو عبد الله انثرها بدون تنسيق بعض الاحباب طالبينها انت خابر احيانا اكون بعيد وادخل بالجوال ارحبو .
|
ابشر يا ابو صالح خذها
ودي لاضاق صدري أمسك الخـط
وزيح همي لامن الدرب طال خطـه
مليت وأنا من الهم أشيـل وأحـط
ودي أشيل الهم على جنب أحطـه
وأنا أشوف يعوم البحر إفريخ البط
ول ياوقت(ن)عاش بعز إفريخ بطه
قلتها غبنه وأنا أشوف الحر يربـط
بسبوقه وطول على الوكـر ربطـه
ويزرط همومه مـن الضيـم زرط
ثمان شهور زرطت(ن)فوق زرطـه
مل من الضيقه بالجناحيـن يخبـط
نتف ريش جنحانه من كثر خبطـه
لو الزمن يصفي له لو على شـرط
لبا شرط الزمن لو صعب شرطـه
أكيد لاشاف من حوله سعيد يغبـط
وأنا والله مالومه على كثر غبطـه
ليا شاف صقاره غافل(ن) عنه ورط
وغفلت الصقار عن الطير ورطـه
ويشوف كم واحد(ن) بالزمن جلـط
وماهي غريبه تجيه بالقلب جلطـه
هذي الصراحه و أدري ماني بغلـط
وأداري خاطر شخص و أقول غلطه
وسلامتك
|