بسم الله الرحمن الرحيم

السلام عليكم ورحمة الله وبركاته

هذه القصيده مهداة إلى ابن العم | وليد بن سليمان بن محمد الكثير

وابو نواف من الرجال اللي يستاهلون المدح


اقول

ســلام ابو نواف راعي المـــواجــيـب
له بالـوفاء والجــــود والعـــــز طـاري

شيخ "ن" ولد شيخ عريب المــناجـيب
طلــق المــحـيا من يـــروم المــحـــاري

محاري النخــوات والجــــود والطيب
له في سمـاء النخوات درب ومساري

يامعزب "ن" ماهوب عند المـعـازيب
كــسبت طــيبــك ياخــــــوي المــساري

وليد ياذيب "ن" مثل فــــــــزة الـذيب
علــيك من ذيب الـفــيافـــي مــــــواري

يالله تفــكــه من دروب "ن" معـاطيب
ويالله تفـــــكــه من ســبب كـل جــــاري

يانسل ساس الطيب عطب المضاريب
سليمان ابوك اللي على الطيب ضاري

مدحك غـــلا ما فـيــه شـــــك ولآريب
ياعــــــز مــن هبت عـليـــه الـــذواري

انـثــر لك اشــعاري ولآبــــــه تعاجـيب
يشــــوش راس الحـــــر لوكــنت داري

قلته وآنا محمــــد دروبــي علـى الطيب
حــــر "ن" يهابنـــي فـــروخ الحــباري

يوم المــراجل تحضـــر آحـيان وتغـيب
بلــمرجــــــله فينــي خــويـي يمـــــاري

وصـــــلاة ربـــــي عـد وبل السحاحيب
علـــى نبــــــي "ن" كــل ماهــب ذاري



وسلامتكم ياابناء العم لاعدمتكم

اخوكم | محمد بن عبدالرحمن بن محمد الثاقب الكثيري