|
رد : النظره الشرعيه بين مؤيد ومعارض !
يؤ.. الحمد لله عالنعمه
وأنا على بالي ابوي يبالغ يوم مايرضى البنت تنشاف
إلا وهي بالعبايه وشبه حجاب
ولا تقعد طبعا، خمس دقايق وتطلع
الحمد لله عالنعمه، وأنا أعرف ان ابوي غير عن باقي أهلنا
لأنه متفهم لضرورة الشوفه وشخص يفكر بالدين والشرع قبل العادات
والعادات مانحب الشذوذ عنها، لكن في شي يقدم على الآخر أحيانا
خاصه ان أهلنا الحمد لله حريصين، مو حي الله أحد يجي ويشوف
ما يشوف الا الشخص اللي فعلا انسأل عنه زيييييييييييين
وشخص والنعم فيه، واحتمالية الزواج أكبر من عدمه
بالتالي تتم الشوفه، والحمد لله ماقد صارت عندنا
ان انشافت بنت وماتم الموضوع
وهذا لأن مو حي الله أحد يجي ويشوف
لأن الأم والأهل يكوننون شايفين البنت، وعارفين اذا هي
تناسبه والا لأ ولا بيكذبون لأن عارفين ان ولدهم بيشوفها،،،
وحتى أهل البنت بدورهم
المفروض يحاولون يجسون نبض أهل الرجال بمتطلباته
فإذا لقوا انها ماهي بـبنتهم منعوا الشوفه وقالوا له اتكل على الله
بنتنا ماهي زي ماتبي...
وعموما أغلب الرجال القبايل، يستحون يرفضون بعد مايكون شافها
والنعم فيهم وباخلاقهم،، لكن بعد المفروض يكون صريح
لأن هذي حياه ومستقبل
شكرا على هذا الطرح حاتميه...
|