|
رد : النظره الشرعيه بين مؤيد ومعارض !
يا حي الله عقيد منور طربان
واكيد انت مع النظره زي اكثر الشباب
وسالفة اخوك ترى دايم تصير .. اقولك مثلا مره ام جيرانا جتنا صبحية زواج ولدها تبكي تصدقون ليييه يا ترى
تقول بعد ما جينا من الزواج وفرحانين ومبسوطين وكلن دخل غرفته ينام
فإذا ولدي يطق باب غرفتي وقلت مين ؟؟ قال انا يمه .. تقول قمت بسرعه وفتحت له واشوف وجهه متغير وضااايقن صدره
و ارتعت عليه قلت شفيك يا وليدي سلامات عسى ما شر
قال ابد يمه بس وين عييناتك فيه يوم تشوفين الهانم !!!!!
تقول عندها صكتني الدنيا وضاااقت بوجهي وقمت ابكي يوم شفت ولدي عايف المره ومنقهر وهو توه باول ليله
وقلت ياليتني مخليته يشوفها ولا حطيت مسؤليته هو والبنيه علي
فجتنا تفضفض و تبي امي توسع صدرها وتهون عليها
لكن الصيبه مهيب بسيطه .. وش ذمبهم هالضحايا العروس والمعرس انقلبت ليلتهم حزن
المعرس نام وخلى هالضعيفه في بيت غريب ما يدانيها
يمكن هي مهيب ذيك الدرجه شينه والا كان امه ما خطبتها اصلن لكن ما عجبته ولا ملت عينه ولا ارتاح لها
والنظره الشرعيه فيها الكثير من الفوائد اللي حنا عارفينها ..
وحتى لو تزوج بعدين وماعجبته فتكون امه واخواته خالين من المسؤليه وعقدة الذمب
كأني كتبت قصه دراميه 
اعذروني لكن كل همي ان تستفيدون من القصه وان النظره فيها راحه نفسيه حتى للأهل <= عسى ما تعيد من جديد 
الف شكر طربان لحضورك وتعليقك اللي اضفى قيمه للموضوع
|