السلام عليكم__

قصيدة صقار الدريعي من اهل الكبيسه في العراق قال قصيده عندما اتى غزوا لشمر ولجأوا الى الكبيسه هاربين من شيخ الدليم.. وقد صمم شيخ الدليم على اخذهم وحاصر الكبيسه فأرسل له صقار الدريعي القصيده المشهورة:

ياعلي مانمشي لك الحق بالضيف...الضيف ضيف الله ولا احد مشى به

الضيف له الحق ونحماه بالسيف...عند المحارم مانهاب الحرابه

انتم جلوف ولابكم عرف تصريف...مثل الكديش الى ركض جاب مابه

والله لولا ركبنـــــا للــهافيف...مانعطي البدوان عوج الطلابه

وقال ايضا:

ياراكب حمرا من الهجن معطار...ماقربت عند العقيلي تثنا
تشدي قرانيس القطاحين ماطار...ملفاك على الشيخ زين المجنى
امر سديته ياعلي مابعد صار...جيتوا تبون ضيوفنا غصب منا
رجالنا يفرح الى شاف خطار...يقحص لهم عجل ماهوب يتونا
لاجن يسوجن السفافيف والاكوار...لا لــــــوذن بيوتنا يرجهنا
اول قراهم من حليات الاثمار...غرايس طلعه سهيل اثمرنا
وثاني قراهم دلة نصفها ابهار...ونجر نلاعب به على كل فنا
وثالث قراهم حايل دوم تندر...ومنــاسـف لــضيوفنا يـنــهضنـا
وش عذرنا من لابس الخصر وسوار...اللي يرشن الذوايب بحنا
الى عطينا ضيفنا مالنا كــار...نصير عن زين المضايف بعنا
ترى الخوي والضيف والثالث الجار...مثل الصلاة تعد فرض وسنا
اللي زبنا زابن ضلع سنجار...والحرب نرسي له الى ثار حنا
تسعين ليله واشهب الملح به ثار... وقت المنام يطير النوم عنا
محمد بناها واودع السور مندار...وهلهل على درب السلامه وغنى

ومن المفيد الاشاره الى ان مقولة الشاعر صقار

ترى الخوي والضيف والثالث الجار... مثل الصلاة تعد فرض وسنا

اصبحت مقوله مشهوره ومتداوله

اخوكم محمد الروضان