|
رد : القصة التي اذهلت العرب بين المهادي من الفضول والعماني من سبيع..
هذي قصة المهادي وجاره مفرج السبيعي
يمكن احد سابقني في سرد هذه القصه لكن نجدد علوم المطاليق وذكر مثل هذه القصص نادر في عصرنا هذا وخاصه
في الجيره وحق الجار وكثير من الناس متهاون وبعد عيال حموله وهي نسبه عاليه في كل القبايل فقصة المهادي تدل
ان قلوبهم في ذلك الوقت نظيفه ولا تحمل اي الا الطيب والشهامه والجود
قصه المهادي سامعها من سبيعي وهي في يوم من الايام قام المهادي وثلاثه من ربعه ودخلو ديار سبيع وبعد ذلك اتجهوا الى الغدير اثناء ذلك كان امامهم صبايا على الماء شاف المهادي احدهم واعجبته اسمها (ساره) جلس في ديار سبيع هو وربعه عدة ايام بعد ذلك استعدوا برجوع الى ديارهم الا المهادي رفض ما يرجع معهم وجلس عند اسبيع وقاموا سبيع بضيافته على اكمل وجهه وكان كل ليله يقوم بضيافته واحد من سبيع واثناء جلوسه على ما يقدمونه سبيع من واجب له يرتكي على الي جنبه فيقوم الشخص الي يرتكى عليه بابعاد المهادي واستمر على هذا المنوال حتى حضر مفرج من المقناص واثاء جلوسهم على العشاء ارتكاى او سند المهادي على مفرج فقام مفرج يقطع للمهادي حتى ولا منع المهادي منه بل لا زال ساند عليه حتى قاموا اخر ناس بعد ذلك طلع كل منهم الا بيته لحق المهادي مفرج واخبره بالي جرا لان سبيع يفكرون ان المهادي مجنون او في بعض ما يكون .. فاخبره بانه ما لقي من ينتخي الا مفرج يوم انه اسند عليه عرف انه الي بيقوم بالزومه وهو الزواج من ساره وعندما علم مفرج استعد للمهادي وكان هذا صعب على مفرج لانه يحب ساره وبنت عمه لكن يوم نخاه المهادي قبل ما يعلم ما هو طلبه استعد له وكان زواج مفرج بعد اسبوع لكن رجع لعمه وخطب ساره للمهادي ورفض بنت عمه المهم تزوج المهادي ساره ودخل عليها في نفس اليوم الي حدد لمفرح بزواج فيه وقبل الخول عليها اخبرته ساره بالموضوع بانه لمفرج وعندما سمع المهاي بالقصه طلقه واهدى لها ولمفرج خاتم واخبرها بمكانه ومكان قبيلته بانه مرحب بهم في اي وقت ورجع الى دياره وتزوج مفرج ساره واستمر معها ونجب منها ابناء حتى مر قحط على قبيله مفرج كل رحل بحث عن الماء والعشب تذكر مفرج المهادي فقام وشد الرحال لديار المهادي حتى وصل ودل بيت المهادي وكان ذلك بعد العصر فرحب المهادي بمفرج وتذكرهم وقام بواجبهم ذلك الليل والمهادي كان متزوج ثنتين طلع واحده من حريمه وجعلها مع جارتها حتى ينام مفرج في احد بيوت المهادي لان الوقت ما يسمح ببنا بيت للمهادي فاخره لليوم التالي وكان ولد المهادي يلعب مع عيال جيرانه ويهدف وينام مع امه متعود على ذلك وقد اخبرت زوجة المهادي زوجة مفرج ساره بطبع ولدها فقام الولد ونام جنب ساره يفكر انها امه وعندما دخل مفرج لينام شاف الولد وما عنده خبر فقتله وصحيت زوجته واخبرته بالامر وقالت انا هذا ولم المهادي فرجع للمهادي واخبره فعرف المهادي بان الامر زله وليست عمد فحمل الولد هو والسبيعي وجعله في نفس المان الي يلعب فيه وهو والاولاد وقال لمفرج ما عليك وعند الصباح طلع ان ولد المهادي انقتل وهو يلعب ولم يخبر ربعه بالامر الصحيح وقال ان ولده انقتل من عيال ربعه وبعد ذلك خلا ربعه يدفعون الديه وهي مجموعه من الابل وعندما حصل على الديه اهداها الى مفرج وذلك حتى يرد جميل ووقفت مفرج معه من اول ويعلم انا ولده انقتل بلخطاء فزود على مفرج واهداه الابل وسارت الايام على ذلك الوضع الى يوم من الايام واثناء رعي عيال السبيعي وهم ثلاثه الابل والغنم كان واحد منهم يحتك في بنات المهادي فقامت احدا البنات باخبار امها بالامر وقالت الام لها اصبري على الجار وتركيه وتجهي عكس اتجاه ولكن زاد الوضع عن حده فاخبرت الام المهادي وعند سماع الخبر من المهادي ما استعجل وصبر على الوضع وخلا بناته يرعون في الاتجاه المعاكس لولد مفرج ولكن لا فايده من ذلك .............. قام المهادي اثناء العب مع مفرج وكان مفرج جار وعانيه للمهادي وصديق له من سنين وجيرتهم لها وقت من الزمن واثناء العب يقول زح ياجار ولا زحت وتم على ذلك كل ليله لكن ما فهم مفرج فقال المهادي ليله اخرا شد يا جار ولا شديت سمعت ساره ما دار وفهمت الوضع وعند دخول مفرج البيت قالت ساره المهادي يبينا نشد وفهمت مفرج لان مفرج ما حصل منه شي ما توقع بالي حصل من المهادي فقالت ساره اذا جاء الصباح قل للمهدي حنا بنشد شف ويش يقول لك وعند الصباح قال مفرج نفس ما وصته زوجته به فقال المهادي الله يستر عليكم ففهم مفرج ورحل واثناء رحيله سال زوجته حصل منها شي قالت لا فاخذ واحد واحد من عياله ويمسك كل واحد على حد ويقول الله والصيد على المهدي ما قدرت تنوش منها خبر فرد عليه الولد الاكبر وقال ما هذا الي ربيتنا عليه فتركه وراح للواسط وقاله نفس الكلام ورد عليه ولده بنفس مردود الا ول حتى وصل لصغير منهم فرد عليه الولد وقال لو تريثت شوي يا بوي كان جيت بخبرهم فعرف مفرج بالسبب فقتل ولده وقطع راسه وارسله مع احد من اولاده من غير ان يعرف الولد ما بداخل الخرج وقل هذي هديه لك يالمهادي وعند وصل ولد مفرج للمهادي اطلع المهادي على الهديه واذا براس ولد السبيعي فرجع الكيس من دون ان يعرف المرسول بذلك وعرف المهادي بان مفرج عرف السالفه فمسك ولد السبيعي وبنا له بيت وعند تاخر ولد مفرج قام مفرج بارسال ولده الثاني وقال شف اخوك وعند وصول ولد السبيعي الثاني للمهادي مسكه وبنا له بيت وارسل المهادي مرسول باحضار مفرج ورجع مفرج وزوج المهادي ثنتين من بناته لعيال السبيعي وتمت جيره المهادي والسبيعي الا الله واعلم ......................
واعذرونا على الايطاله لكن نبي نجيب الموضوع ويكون واضح اكثر وهذي القصه الي سمعتها وهي معروفه للجميع بس تجديد وتذكير
ونعم بها جيره والله المستعان في وقتنا هذا الي انعدمت فيه المبادي والسلوم لكن الله يحفظه بحفظ المطاليق وعسى الجميع يستفيد من هذه القصه
|