هذه القصيدة غزلية .. للشاعر .. عبدالله العودة

ياناصـر بن عبيـــد انـا شــــــفـت لــــي زول .. ســــبحان رب(ن) صـوره جـل شـــانـه
ســـــايـق فـواتـــــيـر التلفــــون بالـمـــــول .. وكـــل(ن) تســمـر يــوم شــافـه مكانـه
وجـانا مطـــوع قصــــده النصــــح بالقـــول .. لكـــــن تبلعــم يــــوم شــــافـه وزانــه
تقــــول كــــن الحلـــق والــــــزور مقـفـــول .. او انعجـــم ولا انربــــط فــي حصــانـه
تايــــب ولكنـــــه نكـــس عكــــس مـدبـــــول .. خلـــــى المطــاعـه كلــــها والديــــــانـه
من كـثر مابحلـق عـــيونه غــــدن حــــــول .. واطلــــق عيونــه وامــــتلت بالخـــيانـه
شـــاف الجمـال اللـــي غـــدى منـه مذهــول .. وصــار افتــتانـه منـه صــــار افتـــتانـه
صارافتتانه مـن خشـــيف(ن) خــذا عقـــــول .. عـقــــول روس ثـاقـلـــة بـالــــــرزانـه
خفـــت مـن الظبـي العفـــــر ياهــــــو يهـــول .. ظبـي(ن) رتـع بيـن اللهــد والطمـانـه
ريــان عـــود(ن) كملــــه زاهــــي الطــــول .. تقــــول عـود الـمـوز والخـــــــيزرانـه
مظمــــر الســـــرجـوف والخصــــر منحـــول .. ناعــــم معــــزل عـمــر ويــا لـــــيانـه
والعــين عــين الريـــم والخشــــم مســــلول .. ومبيســـــم(ن) كاالـتوت لولـو ثمـــانـه
وصدر(ن) زما وماني عن الوصف مسـؤول .. والعــــنق يـذبــح بارقــــــه ولمعـــــانـه
وباقي وصوف(ن) تجعــل الرجـــل مهبــــول .. لـــو قلـــتها بتـقــول مانــــي تكــــــانـه
وان كان بـــه ريــــق(ن) مشــــير ومعسـول .. مااظــــنه الا بشــــــــفته وبلـســـــانـه
وان كان به جسم(ن) به المســـك محلــــول .. او بـــه نـفــــس كفايــح الزعفــــرانـه
فماهوب معقول(ن) وبـــه صــــار معقـــــول .. حـور(ن) من الجنـه مـزج فـي كــيانـه
ياحـــظ منهــــــو صــــار ويــــــاه معــــــزول .. يرعـى ربيعـــه ذايـــب(ن) فـي حـنانـه
ومـن يوم شــفتـه بــــس اهـــــذري بلحــول .. صــار الذكر(حوقـال) ويـا اســـتعانـه
الحـــول دار ودار بعــــــده بـعــــــد حــــــول .. ســـاعـة ويــوم وشـــهـر ويــا زمـانـه
وللــيوم وهو لاعب بفكـــري علـــى طــــول .. مافيـه غــــيره شــــل فكــــري وهـانـه
ياناصــــر بـن عبــــــيد انـا ادور احلـــــــــول .. تكفى زهمــتك والنصــيحـة امــــانـه