|
رد: روح القـصيـد.1.
هذي مداعبه مع ابن لام الدويسي ربي يحفظه ومحاوله لمجاراة قصيدة الشاعر احمد الشايع
الموجوده اعلاه.
الـتـوجـــد والـحـكــي مـايـــوردك الـفــلاح
خابر(ن) لك عادت(ن)فالتضايق تستخير
اضرب الميدان عرض واطلب الله السماح
الــهواء راعــيه ياصاحبـي دايــم غـريــر
وان نشا مزن (ن)من القبله وله برق لاح
ســوق رجــلك يـمـها وانتـبه لاتســتـديــر
الغـديـر اللـي تـعرفــه تـرى مـاه القــراح
جمـته فـي قـاعته ولا ضـريت الا بـخـير
لا وصـلـته ثـم جـيته تـرى قصرك مـباح
ارشـف الجـمـه تـرى جمـته والله غــير
وان سمعت الطير غـرد ونـادى فالصباح
طــيرك انت لا يغـــرد ومنكــم لايـطـــير
ولاسمعت الـذيب الاخَـر يـطـنب بالصياح
سج رجلك يالدويسي ترى وضعك خطير
المعــارك تـعـارك بـالسـيوف وبـالـرمـاح
يـالدويسـي لابتـك طــوعـت كـل الـعسـير
التراشـق فالحكـي للنـساء ولـه(ن) نيـاح
والبعـــير اللـي ربـطـنا مــربـينـه صغـير
المشاعر مشاعـر فالشـعر ارجــو السـماح
طلبت(ن) لك حاصله جيت اوضح مايصير
يـالدويسـي ربعـكـم فـالكــرم مثل الـريـاح
والصغـيّر منّكـم يـذبــح الـحــيل وبـعــيـر
|