|
رد : كادت تكون تاريخية على الهلال
اقتباس:
المشاركة الأصلية كتبت بواسطة الصقر858
افا ياذا العلم بعيدين عن الروح الرياضيه .. قل غيرها ياولد العم
ولاتشيل في خاطرك .. انت وبنت العم حاتميه عندنا اغلى من الكوره
سجل عندك اذا فاز الهلال بأي بطوله مستقبلا .. سأكون اول المهنئين
لك وازود عليها سأكتب عن الهلال .. كلش ولازعلك ياولد العم .. تراك
عزيز وغالي .. ولاتشيل في خاطرك .. خشمك هههههههههه
الصقررر
|
ياهلا والله بالصقر أرحب ياولد العم
والله مانيب شايل في خاطري
بس ودك يكون النقاش في حدود المباراة وضمن حدود معينة
حنا يوم أخذ الهلال كأس ولي العهد تكلمنا في حدود المباراة
ويوم أخذ النصر كاس الأمير فيصل باركنا لكم الفوز
وما أحد حدنا على النقاش غير تصريحاتكم !!!
عموما أبشرك مانيب زعلان ماأحد يزعل من بني عمه وأنا أخوك
هذا مجرد نقاش وبينتهي
مشكور اخوي الصقر..الله يعز غاليك..وإن شاء الله ماتفقد غالي
وكلامك هذا على عيني وراسي خصوصا " خشمك " تراها تسوى عندي شي كثير
وهذي الهقوة فيك.. الله لا يهينك ويطول عمرك
|