بسم الله الرحمن الرحيم

السلام عليكم ورحمة الله وبركاته

هذي القصيدة .. بعنوان درس المحبة .. للأستاذ الشاعر

عبدالله العوده




[poem font="Simplified Arabic,6,black,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]
سر الهوى موجود بعيونك السود = مارية العشاق في عكش الارماش

نظراتها ترمي سهوم(ن) بلا حدود = وتنهب قلوب الناس بالنقد والكاش

درس(ن) خذيته حاضره مني شهود = قلب(ن) واحساس(ن) وفكر(ن) معك عاش

ساكت وصابر خايف النقص والزود = خايف يرد الفعل منك على ماش

جلد(ن) على صبري وفي القلب موقود = نار(ن) تلظى تحرق الجوف والجاش

من حرها اونس على الكبد مشيود = جسر(ن) من البركان وشلون لاطاش

اجر انا الونات والعالم رقود = ودموع عيني غرقت شاش وقماش

لاشفت عبرات العنى تنهمل زود = سريت تالي الليل وانكفت مغباش

خايف ابيت غافي الليل والنود = بكثر البكا والوجد والهم لاشاش

حسبي عليك بسبتك صرت مضهود = ودي اغادر كل ذا الناس وانحاش

سنه مع عامين مامنك مردود = قلي وش الاسباب هو جاك منا آش

هجرتنا بالعون عمد(ن) ومقصود = هجرت من هو لجلكم بالامل عاش

في غيبتك موتي ولو كنت موجود = خطر(ن) علي من هجرك يجيني ارباش

وظفت قلبي والعقل عندك جنود = يسايرونك كل جيه ومطراش

اسمك ورسمك خلتها بكل موجود = والقى خيالك كل ما الفيت لفراش

اصبحت انا وياك صايد ومصيود = وانا الذي مصيود يانسل الاوباش

عايش كما اللي داخل الحبس بقيود = وعليه ذا الحراس كل(ن) برشاش

ضاقت بي الدنيا على كل الحدود = وشفت العماير كنها جمعت عشاش

جودي علينا يا ابنة الجود بالجود = وردي عليه قبل ما ازور لنعاش[/poem]