أسمع صدى صوتك مع ضجّة النّاس = والحسّ يسري للضماير حسوسـي
أنسى معاك العزم والفكر واليـاس = وحبّك بقلبي للضّميـر امغروسـي
واهيم في بحر بالأمـواج غطّـاس = واسجّ وانسى عن ربوعي جلوسـي
قربك شفا للرّوح والنّود نسنـاس = وروياك سعدي عن ليالـي نحوسـي
ياضي ضيا خدّه كما نور نبـراس = والاّ شعاع الشّمس قبل الغلوسـي
عنق الخشوف اللى محاوز عن الناس = دق العنود اللى تـرب الطعوسـي
يرعى زماليج بهـا الـورد نفـاس = يقطف دنق فـي مرتعـه ومحروسـي
مادمني حيّ فـلا بقطـع اليـاس = حبل الرّجا والاّ قطعـت النّفوسـي
طيفك يراودني مع غفلـة الحـاسّ = ويسود جوّي والمشاعـر حبوسـي
وآتيه في صحرا ولا جيد مـرواس = واهيم فـي دنيـاَ عراهـا لبوسـي