جار الزمان اليوم والكل بي جار = واركا علي الوقت حرش الحبالي
يقطعك يادنياً تساوين الاحرار = بافراخ بوم(ن) ماتساوي اريالي
ياكيف بنيان(ن) له اسنين ينهار = وهو منول مشرف(ن) له ظلالي
يامحمد الملوح صار اللذي صار =واللي بدا لك يامحمد بدالي
والمشتكا لله هو النافع الضار = والامر له سبحانه اول وتالي
نختار يابن العم والربِ يختار = والخير مختاره عزيز الجلالي
والدار داري لو جفوني هل الدار= مادام لي فيها عمام وخوالي
لو ماحصل لي غير معرفت الاخيار=شرواك يابن العم هم راس مالي
اولاد جدي فضل وافين الاشبار = سدادت اللازم الى جا مجالي