|
رد : قيادة المرآة للسيارة بالسعودية
معليش يا اخت ونة لاكن مسألة التحميل من مواقع ثانية ممنعوعه عطينا رابط مسموح نحمل منه.
ومسألة حرب انتي اللي قلبتيها حرب تحذفين المشاركة وما ادري ايش انا ما قلبتها حرب ولا شي هاذي قصيدة اعجبتني ورغبت انزلها في المنتدى عن قيادة المرأة.
وبعدين اللي يديه في النار مو مثل اللي يديه في الماء.
يعني انتي عادي عندكم السواقة في الكويت لاكن عندنا شي غريب ومرفوض ان المرأة تسوق وحنا نرفضها بقوة كل واحد يبدي رايه بالطريقة اللي تعجبه وبعدين انتي تقولون انك متحجة انا ما تكلمت عنك يوم تردين وتقولين انا ما اطلع الا بمحرم واطلع متحجبة انا تكلمت عن الشعب كامل عادي عندكم الحجاب لحاله وتعتبرونه تستر لاكن عندنا في السعوديه لا يعتبر شي مرفوض.
وبعدين وش مسألة مزايدات الحين يعني عندكم في المنتدى الواحد ما يرد او يناقش في موضوع الا مره وحده اذا كان كذا اجل ليش تنزلون مواضيع للنقاش والا اذا نزلتوا موضوع حطوا ملاحظة ممنوع الرد على الموضوع الا مره واحده.
اذا كنت ابديتي رايك وكان متعارض مع رأي شخص اخر موب لازم يصير رايك انتي الصحيح واذا رد احد على ردك وكان ضد رأيك تحذفين المشاركة يعني والله شي غريب!!!
وبعدين حنا نتكلم عن المملكة العربية السعودية مو الكويت يعني النقاش خاص بالسعوديين وكل السعوديين رفضوا واللي وافقوا وافقوا للضرورة فقط ولنا الحق ان حنا نرفض بالطريقة اللي تعجبنا.
مع احترمي لكل من رد على الموضوع انت كلكم على راسي من فوق.
|