بسم الله الرحمن الرحيم

ياالله يا الله يارب الملايّين =يلي بيوم الحشر نوفي حسابه
سبحانك يا الله با العسر واللين=يا منزل الغيث من جوى سحابه
كم عاقل اليوم احفاده مجانين = هدو قصور العز وعاشوا بخرابه
وكم صلف ٍ اليوم احفاده طريّين=غرس بهم ذيب الفلا اليوم نابه
اللي من اول احرار ٍ شواهين =اليوم صاروا طرايد للذيابه
خذها من اللي عمره خمس وعشرين = اللي زهد عمره من اول شبابه
دنيا ما حنا بها حسبة سلاطين = ماهمني لو بها عشنا ذبابه
هلي هل المرجلة سقم المعادين =كم من اسد ربعي قصوا نيابه
لاضامنا طيب ولا ضامنا شين = ولا كل شخص ٍ حد السيف جابه
انشد هل التاريخ با الامس والحين= عن امرة ٍ ربعي خذوها غلابه
بني فضل ربعي العيسى ميامين=صارو لكل القبايل نعم لابه
وماهو قصور ٍ بعيال الكريمين= كل القايل عزها يندرابه
يا حروفيّ عن المغزى لا تحيدين=ودي اصيب اللّي ماغيري صابه
ودي انيشن على ناس ٍِ فهيمين = حقايق الناس ولا لي بسرابه
وان كان منتي للواقع تصيبين=نذر ٍ علي الشعر لسد بابه
اليوم حالتنا حال المساكين=مثل اللي جا للهم والهم سابه
مايتفق منّا على راي ٍ اثنين= كل واحد ٍ شوره اغلى صحابه
واللي نطق با الصدق ساقوا له البين = شخص ٍ تفلسف عليه وشخص عابه
تقل النكد له على ربعنا دين=والفايدة زوّد علينا حسابه
يا حيف بيت ٍ عشنا به عزيزين= اليوم كل ٍ يرخي في طنابه
لنا على ها الحال من عدة سنين=ولا اذكر الا كم واحد حكابه
يا هل العقول الواسعة يا الرزينين=يا اهل المشورة والفهم والخطابه
بها لكم حطيت ميزان وكفين=كفة بها سد ٍ وكفة كئآبة
ولا عليكم الا عدل الموازين=با المختصر رد الشيء لنصابه
وختماها صلوا على معلّم الدين=اللي هدى كل البشر والصحابة
عد العرب والهند وساكن الصين=واعداد من حب رب الكون وهابه

وسلامتكم

محمد عواد العيسى