هذه مجموعة أبيات لي

حبيت أكتبها لكم ،،،



(1)

الليل *، ما عبّر سراجي و * *قنديلي
يعكس لي الظل لا قرّبت * * *للشمعة**

أشوف ظلٍ ضخم بإيده يومّيلي!!
وأثر أنعكاس الضوى والليل ،له رمعة

أطرب على الليل و تطربني *مواويلي
والعين نجمة * *لها سبره * * ولها لمعة
*
*عيني موسيقية !! ، و ترقص لمنديلي
*ويدي معاهم معاهم " دمعة بـ دمعة "


(2)

ماعادني * مهتم *في *أتصالك
وشلون لو ترسل عليّ الرسايل

كلمة ، وخليها عشاني فـ بالك
لاعاد ترسل لي صور فـالمبايل


(3)

أذخريني للزمن ولاّ الليال
شاعرٍ يسري على نور القمر

وأذخرك جذع النخل لامن مال
عذقٍ أخضر شال بأطرافه تمر

تدري أني لك سريع الأشتعال*
أشتعل لك نار وأحساسي جمر

أتهجّد وأبتهل لك إبتهال
*في شفاتك حانةٍ فيها خمر


(4)

البارحة و الليل قبّل جبهتي
وأمسيت أدرّج خطوتي ضيق و سعه

يارجل سوقيها و كدّي خطوتي
وياراس ذعذع حان وقت الذعذعه


(5)

لاني بلا شاعر ولاني بمشهور*
ولاني براعي " هشتقه " بالتويتر

تطري علي أبيات ، نورٍ على نور
وفي راسي أحسبها كما الكلكليتر!


(6)

عرّضت صدري للهبوب * *الباردة
من فوقٍ رجمٍ ما رقى *ضلعه بشر

عويت به ، ولاّ * سباعه * * شاردة*
وأستأنسة صوتي ذيابته * القشر *


(7)

شاعر أنيق ، وباين أنك ممارس
وعن لاهب الفرقى تذرّيت بالحور

شكّلت لك يادعيج عدّت مدارس
صح الله لسانك ، وصح الله الكور


(8)

بيني وبينك يانهى أربع أمتار
من طاولتنا لطاولتكم ثواني

يامرحبا ترحيبةٍ ولّعت نار
في شاعرتنا ، وصحح الله لساني


(9)

عيطموسٍ مالها غير الغزال
بالشبه خاشر حلاياها شبه

لايزال الغصن يرقص للظلال
موهبتها بالحلا من الله هبه


(10)

تحسب أني ذاخرٍ عنك وصل ؟
لا وربي ماذخرت مفارقك

أحمد الله و أشكره باللي حصل
لجل أعرف أني بشوقي سارقك


(11)

لد عينك بالجهات الأربعة
شوفني منّا و منيّة و هناك

أحمد الله و أشكر الله مربّعة
جعلني معدمك وياجعلي فداك


(12)

في خاطري طفلٍ يتيم بلا ذَوِي
يسأل سؤال وحان وقت إجابتي

من يستحق يكون لك أخ و خَوي؟
رح ردّها عنّي ، جوابي (الثابتي)


()

ياخي الرجال ، عندي لك كلام
ترضى أن أختك تجيك موسّمه!!

رجلها لا طقّها ، قِل إحترام
كيف ترضى تظرب إلّك مسلمة؟


()

عليك الحنايا قطرّت لك من الأحساس
تبيييييييك ، وعليك توجّه أطلق أمانيها

لك الله ، وأنا يومين تخنقني الأنفاس
تناديك كل أحلامي، أنهض ولبّيها


()

الله يسامح " تويتر" رجعك ليه
خلاك بعد البطا والبعد تلقاني

من بعد ما رحت و النيّه هي النيّه
تكفا ، طلبتك ، تخليني علشاني !


()

تدرين وش معناة " أبسط حقوقي "

أني أعيش أنسان و آودّع أنسان


()

يامن يسلم لي على زبدة مطير
أنا أشهد أن مطير جابت وليدة

يامسلّم البراك ، مسيّت بالخير
والشعب راشد والحكومة رشيدة


(18)

لا تلوميني ، ليا من جيت كلي !!
جيت ضامي " وصْل " يامال الغنيمة

ااه واا كبدي و واا غبني وغلي
لو " حليمة تكب عادتها القديمة "


()

صافحوني قبل لا يثقل لساني !
عادتي لاضقت ما طعت النصيحة

عندها شخصي ، تحوّل شخص ثاني
ما أفرّق بين " سحته أو مليحه "


(20)

عليك القصايد حشرجت في صريف الزور
بكت لك بعينٍ منْك شفقى و مفطومة

بكتك العيون المايحه، يالعيون الحور
حشاها تكون أمن البكي عنك معصومة


(21)

على مايجيب الوقت ، باقول له قداام
ياوجهي لك المدح و ياراسي عداك اللوم

كذب من يقول أن " الجمل ، لا وقع ماقام
عليّ ااحرام إني ليامن وقعت آقوم


(22)

رقيت مرقابٍ قليلٍ رقى به
سمعت لي عوية وجريت لي صوت

الاحي السرحان ، من ما غدى به
ماكنّي إلا ذيبٍ ينازع الموت


(23)

ليت الفراق الي منعنا و حرمنا
يسمع كمنجتنا و يسمع لحنها

لوتابت العشّاق ، ماظن تبنا
ومشاعري ويّاك تامر و تنهى


(24)


لو صحت يا زايد يبي يقول لك سم
هذا الحكي فوق الشوارب يجمّد

زايد وهو ميّت يبي يقول لك تم
ماهو بصوته بصوت إبنه محمد


(25)


الوصال يزيد منسوب الغرام

والفراق يفض للحب البكارة!
"
يا تقول أبيك ، أو قول : السلام
وخلّني مابين الأسما المستعارة


(26)

لاعاد تشكرني على حق و واجب
تستاهل و يستاهل اللي شراتك

مابيننا سترٍ ولافيه حاجب
أنت إحسناتك تغفر لسيّاتك


(27)

أشهد أني هايمٍ في كل واد
من جنوب الأرض لين المشملين

وأشهد أني من بلاد ليا بلاد
متعبٍ رجلي وأنا كلي حنين


(28)

أحترامي لك يقلل أحترامي !!
منت كفوٍ للقدر و الأحترام

محزمك لا يرتخي وقت الزحامي
وخل ظربك فوق ، مو تحت الحزام


(29)

الله يعدي لي صباحك على خير
من قبل لا أخمّك و أضمّك و ألمّك

الصبح غير ، و طلتلك سيدي غير
صوتك عبيره فاح للي يشمك


(30)


جرّحتني عيني بكثر البكي
وجرّحتني روحي بكثر الأنين

مت من شوقي وأنا ما بشتكي
لاتجرّحني و أنا كلي حنين


(31)

ذكرتني ساعتي مع بزمتي
بـ واحدٍ ذكّى عيوني بروحته

ضيقتي حزني دموعي أزمتي
يلعب أبهن كنهن مرجوحته


(32)

هُناك عالم تُعبّر عن مشاعرها
تجتاحها نوبة أحساسٍ سيليزية!

ترفع أحاسيسها ولا تدحدرها
حسب شمالية صدور الحجازية!


(33)

طعنتي بيدك أسميها جميل !
ياجميلٍ ماذخر عني حلاه

جابك الله والليالي تستميل
عشت ، ماقصرت يامال الغناه


(34)
أسهر غصب وااا بري حالي وياويل
وماهي بـ لحية ، قوم صل أستخيري

وعذري ليا منه تحايلني الليل
للنوم ماخِلقت عيون الكثيري !


(35)

من فواغي عطرك و قنّينته
ومن شذاك وسحر وردك أستثير

راسي اللي تطربه تلحينته
مايلحّن غير للغصن القصير




وسلامتكم ..

* جميع الأبيات لي

أرجوا أنها تعجبكم ..


أخوكم طرقي بني لام / ...

فواز نايف رخيّص الدواجنة
twitter:@fawaz_alkthery