|
رد: *مـــــشــــاعــــر الــــصـــور*
هالله هالله يالبرنووو صح لساانج
ليه أنصـدم ؟ و تخـون قلبـي هقاويـه
ويطيح نجمـي .. و أنخـذل فـي علـوّه
أصدق مع الواحد و احبـه .. و اثاريـه
طـوول الليـالـي معتبـرنـي عــدوّه
لا يـا بعدهـم .. و أول الغيـث تاليـه
و أنت اتعرف قلبي .. و خيـره و سـوّه
قل لي متى شحيـت فـي شـي ٍ أعطيـه
و قل لي متى صـارت محبتـك .. خـوّه
يصعب علـى الرجـال يثبـت مباديـه
وان كانه اثبت .. كيـف يثبـت سمـوّه
الله يبيحـك عـن خطـاك و تمـاديـه
و يبيـح قلبـك عـن خطـاه و غلـوّه
ما دام حبك خالطه شـك .. مـا ابيـه
حب العتب و الشك .. ما اعيـش جـوّه
ما كنّي اللـي كـل مـا تلمـس ايديـه
يغمـرك بأحسـاس و حنـان الأبــوّه
و ما كني اللـي كـل مـا مـر طاريـه
ضج الفضـا باسمـه .. و عكـر هـدوّه
يـا مرحبـا بالجـرح .. و الله يحيـيـه
لا صـار مـن يمنـاك و الجـرح تـوّه
بعض الجروح ان صابـت القلـب تنهيـه
و بعض الجروح .. تـزوّد القلـب قـوّه
الله كتب .. و القوس فـي كـف باريـه
و اللي تشوفه يا أبيض الوجـه .. سـوه
|