اتمنى ان ترضي ذائقتكم





ياصاحبي شف قلبي اليوم وجعان
يشكي عذاب البين وانهد حيله

ياصاح انا لشوفك اليوم ولهان
طيفك يداعب ناظري كل ليله

من غبت عني ما اشتهي نظم قيفان
واسهل بحور الشعر صارت ثقيله

ياصاحبي من شافني قال سكران
ماشي بوسط السوق ضيع دليله

الحب يا حبيبي رفقٍ واحسان
ماهوب كرتٍ في جيوبك تشيله

الحب ضمة صادق الشوق ولهان
الخل دينه من ديانة خليله

يا صاحبي وينك تداهمني الاحزان
اقبل علي يابو العيون الكحيله

شف صاحبك من مابه اليوم شفقان
لاجار همه قام وشب الفتيله





وسلامة قلوبكم