إعـــذريني .. تبـعـثـرت اعــذريني
من يشــوفك .. تبـعـثر كلّ ما فيـه

نظـرتي .. تايـهه .. بيـنــك وبـيـني
وارتبــااااكي .. على وجهي تلاقيـه

بين صمتي .. وصمتـك .. دوّريـني
ضعت انا عنـد رمشك كيف احاكيـه

إن بغـيتـي حكـي .. لا تحــتـريـنـي
كنت حافـظ .. وجيت اليـوم ناسـيـه

ما بقـى الاّ كـــلام ٍ وسْــط عــيـني
طالـعـي .. وافهــمـي مـنّي معـانيــه

عــيْن فيـها .. تـزاحـم لك حـنـيـنـي
واختـها .. فيـها ما لا اقْــدر اخبّيـه

كـنّ عيـني تنــادي .. ( طـالـعـيـني )
وكـنّ قلبي تلــوّح لكْ .. ايـاديــه

ايــه احبّــك .. وخــوفي تـســأليـني
ليه أحبّـك .. وليـه اشتـاق لك ليـه

حـبّـك اغــرب شعـــور ٍ .. يعــتريني
حلْم اشـــوفـه .. ولكن .. ما ألاقيــه

سـكّـرٍ .. ذاب في فنجــال صيـني
حرّكي بـ/اصبـعـكْ .. عـمْـري وحلّيـه

يا الحبيـبه .. أنــا .. وش في يـديـنـي
وانتي حلم العـمـر .. واقصى أمانيــه

كلـميني .. وانـا اسْـمع .. كلـميني
ضعت انا عند رمشك كيف احاكيه ؟!!