مسآء
.... صبآح المحبه ~

شهيق ~

كان يغني للزمان اللي يبيه
.. .. .. يوم شاف الكل عن دنياه زاح

كان يغني للسما في ناظريه
.. .. .. والشفق لونه مع الترنيم لاح

كان يقسّم ذكرياته تيه تيه
.. .. .. كان يعزف للمطر لحن الجراح

شاعر ٍ طاحت على راحة يديه
.. .. .. امنياته والهقاوي والكفاح .. !

ياكثر مامروا فدربه وجيه
.. .. .. وياكثر ما راح لكن مَ استراح .. !

إلا حبه .. ! كان واثق حيل فيه
.. .. .. كان عمره كان زاده والقراح

وش يسوي من تعثـّر في طريـق الـعـاشقين
............... { لا لقى من هو يحـبّـه عذبـه طـول الغـيـاب

المحبـة في عروقه واضحـة فوق الـجـبـين
.............{ بان مـن حـرّ الـفـراق ولوعـتـه لون الـعـذاب

ساعة الـفرقـا تـصيب القلـب في مقـتل لـعين
..............{ كنـّه اللي مـن رماح الـغـدر مـطروح ومصاب

بين غبّات اللـيالي صاح وين الـمسلمـين
...........{ صاح في صوتـن حزيـن ولالقـا رد الجـواب

عـاد في ذكـرى ليـالي ماضياتـن من سنـين
...........{ والعـيون الغارقـات بـدمـعـها تـشكي المصاب


يذكـر ايـام الـسعـادة بـيـن طـوب وبين طـين
......{ يذكر ايامـن مراويـهـا مثل شـوف السـراب


زاد نزف الجـرح وكنّـه حس في قـرب اليقين
............{ شق من ثوبـه سـوات اللي بهـا يكتـب كـتاب


خط من دمـّه ووصى بالـوصيـة كلمتـين
...........{ واخنقتـه العبرة اللي من بعَـدْهـا الوعي غـاب


طاح شايـل شـِق ثوبـه بـين صدره واليدين
............{من عذاب القلـب شاف الموت لـه كفـّن ونـاب


وآعـذابي من فـراق اللي لـهـا شـوق وحنـين
.....{ بعـد ما كانـت سـمانـا صافـيـة ما بـَه سحاب

زفير ~

كان عاقد كل امانيّه عليه
حبُه (( انثى )) راحت بعرض الرياح

وصار يناديها وحزنه ممتليه
و لا يرد إلا صدى صوته صياح

وراح ينشد هالمكان بدمعتيه .. !
قال: وين الحب قال : الحُب رااح !!

حَسْ بإنْ الحزن كله مشتهيه .. !
حتى من صوته تملّـلْه الصباح .. !!!

وراح يتمتم .. ماعليه .. وماعليه .. !
كل وقت وله نصيبه بالجراح .. !!

وظل يغني لجلها .. يمكن تجيه .. !!
كان يغني ... ثم سكت فجأه ..

وطاح !


وطاح !



وطاح !