مســــــــــاء الورد
حبيت تشاركوني روعه ها القصيده يا احلى اعضاء
اترككم معهاا
يارقيق المشاعر ويـن راح الحنـان
ليه ماشلت قلب طـاح قـدام عينـك
الزمن هو زمانـك والمكـان المكـان
واخر الشعر كلمه تسألك عنك وينـك
من تقهويت صوتك سولف الزعفران
عاد وشلون فنجالـن تمـده يمينـك
تذكر شلون كنا والغـلا كيـف كـان
يوم لاغبت عنك مااسمـع الا ونينـك
اشعر بخوف مدري كنت احس بامـان
يكفي ان جيت يمك طار فيني حنينـك
وشكثر كنت وافي واقرب الناس خان
بس اثق فيك حتى لو عيوني تدينـك
راحت اسنين من عمري وعمرك ثمان
يوم شحت سنيني عوضتنـي سنينـك
زان عمري بقربك يعني الوقـت زان
حتى جرد القصايد ربعت فـي يدينـك
طول عمري وانا لاوي اذراع الهوان
شفت يومك بعيني منهو يقدر يهينـك
مذكر اني نسيتك واذكرك من زمـان
واذكر اني ضحيه بين قلبـي وبينـك
تدري وش جابني لك لاتقول الحنـان
جيت بشيل قلبن طـاح قـدام عينـك