فنــــــــــــار الجود
قال التميمـي دامنـي موجـود
والليلـه المـيـدان ميـدانـي
باذن الولي لاجـود بالماجـود
لعيون اجا واكوسـر الحانـي
واقف لها وقفة وفـيّ عهـود
واصخّـر القيفـان طربـانـي
وازوّد لهـود الحقـود لهـود
واجمّـل ربوعـي وصدقانـي
والشر غادي والامور سهـود
العتمه اقفـت والسفـر بانـي
والشك زايـل والوفـا ممـدود
لاهل الوفـا والعلـم نيشانـي
وبيت القصيد وغاية المقصـود
شـيٍ تشوفونـه بالاعيـانـي
من رحمة الرحمـن والمعبـود
ومن حكمة الله عالي الشانـي
الطيب مالـه منطقـه وحـدود
والطيبيـن بكـل الاوطـانـي
ان جيت جيت لديرة ابن سعود
وان رحت رحت لدار ابن ثاني
وان رحت لامبعـد ولامطـرود
وان جيت لامجـرم ولاجانـي
امشي على وضح النقا المجرود
مرفـوع راس وبيـن حيانـي
شاعر واهاب العيب والمنقـود
وازن كلامـي قبـل قيفـانـي
ولاامشي بدربٍ خابره مسـدود
ولا اتي مدرعم كيـف ماكانـي
ولا اجاري المصقوع والمقرود
وادرى واداري قدر الامكانـي
ماجيت اتايش والرجال شهـود
والا اهـذي وامـذرع لسانـي
ولاني على ذم العرب محـدود
مانـي سفيـه ولانـي ولانـي
سيفي بغمده والرسن مشـدود
ومتعـوذٍ مـن كـل شيطانـي
عينت كثر الهرج مابـه فـود
وامنت بان لسانـي حصانـي
وجنبت عن راع النوايا السود
وكبيت هـرج فـلان وفلانـي
والمختلف صديت عنه صـدود
والمنحرف ماهو من اخوانـي
ولاحدٍ على كثر الحكا محسـود
واللي يغض الطـرف ربحانـي
والخثرقه والغطرسـه والـزود
تـزوّد الـرجـال نقصـانـي
والصمت حكمه والسحا محمود
ورمي الركاد يغيـظ عدوانـي
ومادامني حر وعريـب جـدود
ما انسى سميـرا دار جدانـي
اشد وانـزل وابتعـد واعـود
واشفي واحن لشوف شيبانـي
ومن بعد ذا ماذعذعـن انـود
ومانا ورقٍ فـوق الاغصانـي
وماناض برق وزمجرن رعود
وماهل وابهـل نـو الامزانـي
سوقوا سـلامٍ وافـي ومفنـود
لسلمى واجـا وجبـال رمانـي
وحايل واهلها هم فنار الجـود
ورمز الوفا من ماض الازماني
وثنّوا سلامي للاميـر سعـود
ريف الضعيف ومدهل العانـي
شيخٍ كريـم ولاذخـر مجهـود
لحايـل واهلهـا دوم متفانـي
رايه سديـد ولايهـاب الكـود
وحاكـم حكيـم وقايـدٍ بانـي
وثنّوه للنايـب سمـي العـود
عبدالعزيـز وطيـر حورانـي
عوق الضديد وجنة المضهـود
وذرب اليمين بسـر واعلانـي
وختامهـا يالواحـد المعـبـود
أبطلبـك ياعـالـي الشـانـي
انك تعز وتنصـر بـن سعـود
وتديم عز ونصر ابـن ثانـي
والناس في خير ورخا ومهـود
وتنعم بامان وأمـن وايمانـي
وماعاد عيد وفاح ريح العـود
صلوا على احمد نسل عدنانـي
اآبي امممممم قصيده للشاعر: ناصر بن جفران المتيح الفضلي